यस वर्षको बुकर पुरस्कार डग्लस स्टुवार्टको ‘शगी बेन’ लाई- साहित्य/विविध - कान्तिपुर समाचार
कान्तिपुर वेबसाईट
AdvertisementAdvertisement

यस वर्षको बुकर पुरस्कार डग्लस स्टुवार्टको ‘शगी बेन’ लाई

इकान्तिपुर डेस्क

काठमाडौँ — स्कटिस–अमेरिकी लेखक डग्लस स्टुवार्टले यस वर्षको बुकर पुरस्कार पाएका छन् । स्टुवार्टको डेब्यु उपन्यास ‘शगी बेन’ लाई प्रतिष्ठित बुकर पुरस्कार प्रदान गरिएको हो । ‘शगी बेन’ आफ्नै भोगाइ र अनुभवमा आधारित उपन्यास हो । 

यस वर्ष बुकर पुरस्कारको अन्तिम सूचीमा डायन कुकको ‘द न्यु वाइल्डरनेस’, अवनी दोषीको ‘बन्र्ट सुगर’, ब्रान्डन टेलरको ‘रियल लाइफ’, माजा मेङ्गित्सेको ‘द स्याडो किङ’, र सित्सी डाङ्गारेम्बाको ‘दिस मोर्नेबल बडी’ थिए ।

यी पुस्तकमध्येबाट निर्णायकहरुको स्टुवार्टको शगी बेनलाई यस वर्षको बुकर पुरस्कार दिने निर्णय गरेका हुन् । यस वर्षको निर्णायकमा मार्गरेट बस्बी, ली चाइल्ड, लेम सिसे, समीर रहिम र इमिली विल्सन थिए । निर्णायक मण्डलकी अध्यक्ष मार्गरेट बस्बीले निर्णायकमण्डलले सर्वसम्मतले स्टुवार्टको उपन्यासलाई विजेतका रुपमा छनोट गरेको हो ।

स्टुवार्टले मेडलका साथै ५० हजार पाउन्ड पाउनेछन् । उपन्यासमा स्टुवार्टले सन् १९८० को दशमा ग्लास्गोमा गरिबीसँग लडिरहेकी एउटी आमालाई सघाउने सानो बालकको कथा समेटिएको छ । ४४ वर्षीय उपन्यासकार स्टुवार्टले आफूले पाएको पुरस्कार आफ्नी आमाप्रति समर्पण गरेका छन् । उनी १६ वषको हुँदा अत्यधिक मद्यपानका कारण उनकी आमाको निधन भएको थियो ।

स्कटल्यान्डको ग्लास्गोमा हुर्किएका स्टुवार्ट अहिले न्युयोर्कमा बस्दै आएका छन् ।

प्रकाशित : मंसिर ५, २०७७ १०:१८
प्रतिक्रिया
पठाउनुहोस्

हेटौंडामा ‘होम आइसोलेसन’मा रहेकी संक्रमितको मृत्यु

प्रताप विष्ट

हेटौंडा — हेटौंडा उपमहानगरपालिकामा थप एक कोरोना संक्रमितको मृत्यु भएको छ । वडा नम्बर ५ की ६४ वर्षीया महिलाको शुक्रबार बिहान मृत्यु भएको हो ।


पीसीआर परीक्षणमा कोरोना पोजिटिभ देखिएपछि होम आइसोलेसनमा रहेकी महिलाको मृत्यु भएको वडाध्यक्ष राजेश बानियाँले जानकारी दिए । ती महिलालाई एक साताअघि कोरोना संक्रमण पुष्टि भएको थियो ।

यससँगै हेटौंडा उपमहानगरमा मात्र कोरोनाका कारण मृत्यु हुनेको संख्या २२ पुगेको छ । त्यस्तै थाहा नगरपालिका, मनहरी र बकैया गाउँपालिकामा २/२ जना तथा बागमती गाउँपालिकामा एक जनाको मृत्यु भएको छ ।

प्रकाशित : मंसिर ५, २०७७ १०:०७
पूरा पढ्नुहोस्
प्रतिक्रिया
पठाउनुहोस्
×