‘सुर्तीजन्य पदार्थको सेवन रोक्न आफैंबाट सुरुवात गरौं’
काठमाडौँ — सुर्तीजन्य पदार्थ बढ्दोको प्रयोग रोक्न आफूबाट नै सुरुवात गर्न विज्ञहरुले सुझाव दिएका छन् । मंगलबार स्वास्थ्य पत्रकार मञ्च नेपाल र नेपाल स्वास्थ्य अनुसन्धान परिषद्को संयुक्त आयोजनामा गरिएको कोभिड – १९ को सन्दर्भमा सुर्तीजन्य पदार्थ र नसर्ने रोग सम्वन्धी कार्यशाला गोष्ठीमा विज्ञहरुले सुर्तीजन्य पदार्थको प्रयोगलाई नियन्त्रण गर्नको लागि कानून कार्यान्वयनमा जोड दिएका हुन् ।
कार्यक्रममा नेपाल स्वास्थ्य अनुसन्धान परिषद्का उपाध्यक्ष प्रा.डा. गौरवराज ढकालले सुर्तीजन्य पदार्थ मुटुको क्यान्सर जस्ता रोगहरु मात्रै होइन ढाड तथा गर्धन दुखाइका समस्या पनि बल्झाउँदै गइरहेको बताए ।
परिषद्का अनुसन्धान प्रमुख डा. मेघनाथ धिमालले ‘नसर्ने रोगहरु र यसका जोखिम बढाउने कारक तत्वहरु’ को विषयमा कार्यपत्र प्रस्तुत गर्दे सूर्तीजन्य पदार्थले मिर्गौला, मधुमेह, दम, मुटुजन्य रोगहरुमा पार्ने प्रभावका बारेमा बोलेका थिए । उनका अनुसार परिषद्ले नसर्ने रोगका मुख्य कारकतत्व सम्बन्धी गरेको अध्ययनले नेपालीले वार्षिक औसत १ खर्ब ९ अर्ब २४ करोड २० लाख रुपैयाँ बराबर सूर्तिजन्य पदार्थ सेवनमा खर्च गर्ने गरेको देखाएको छ ।
गोष्ठीमा बोल्दै राष्ट्रिय स्वास्थ्य शिक्षा सूचना तथा सञ्चार केन्द्रकी निर्देशक डा. राधिका थपलियाले सुर्तीजन्य पदार्थको सेवन रोक्न आफूबाट नै सुरुवात गर्ने कुरामा जोड दिइन् । एक्सन नेपालका अध्यक्ष आनन्दबहादुर चन्दले कानून कार्यान्वयनमा सूर्ती उद्योगहरुले पारेको प्रभावका बारेमा कार्यपत्र प्रस्तुत गरेका थिए ।
प्रकाशित : असार २३, २०७८ १४:२४