बर्दियाको राजापुरमा चिनी कारखाना निर्माण सुरू

राजापुर सुगर एण्ड केमिकल्स इण्डिष्ट्रिज प्रालिले उद्योगसम्बन्धी प्रारम्भिक वातावरणीय परीक्षण सकेर शनिबार सार्वजनिक सुनवाईपछि चिनी कारखानाको काम सुरु भएको छ । पश्चिम तराईको बर्दियाको राजापुरमा धान उत्पादन हुने क्षेत्रमा चिनी कारखाना बन्न थालेपछि स्थानीय किसान खुसी भएकाछन् । थोरै लगानीमा बढी आम्दानी हुने भन्दै किसानले उखु खेती लगाउन थालेको स्थानीय किसान उर्मिला चौधरीले बताइन् । यस वर्ष करिब दुई सय बिघा क्षेत्रफलमा उखु लगाउने अनुमान गरिएको छ ।

परम्परागत धान खेती गर्दै आएपनि अहिले उखु खेती गर्न थालेका हुन । करिब १८ विघा क्षेत्रफलमा आगामी आव २०८१ साल फागुनसम्म यसको उत्पादन सुरु हुने कारखानाका प्रशासन फाँटका प्रमुख ईन्द्रप्रसाद ढकालले बताए ।