![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — सेयर कारोबार मापक नेप्से परिसुचक १७ दशमलव ९३ अंकले घटेको छ । नेपाल स्टक एक्सचेन्ज (नेप्से) का अनुसार बुधबार घटेको नेप्से परिसुचक १ हजार ८ सय ७६ दशमलव ६० विन्दुमा कायम भएको छ ।
![](https://assets-cdn.ekantipur.com/uploads/source/ads/900x100-1172024092759.gif)
![सेयर बजार १७.९३ अंकले घट्यो](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/nepse-09102023112522-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
सोमबार ११.२७ अंकले घटेको नेप्से मंगलबार दुई दशमलव १७ अंकले घटेको थियो । बुधबार ३३ लाख ५९ हजार ६०१ कित्ता सेयर खरिदबिक्री हुँदा १ अर्ब १ करोड ४१ लाख रुपैयाँ बराबरको कारोबार भएको छ ।
कुल ४२ कम्पनीको मूल्य बढ्यो भने १९० कम्पनीको मूल्य घट्यो । ७ वटा कम्पनी स्थिर रहे । नेप्सेका अनुसार सबै उपसमुह घटे । त्यसमध्ये अन्य उपसमुह मात्रै २ दशमलव ३९ अंकले बढ्यो । जीवन बिमा १५९ दशमलव २५, निर्जीवन बिमा १५४ दशमलव ६३, उत्पादन तथा प्रशोधन १०६ दशमलव ९६ अंकले घट्यो । होटल तथा पर्यटन ५५ दशमलव ४६ र विकास बैंक ४६ दशमलव ७० अकंले घट्यो ।
विजय लघुवित्त वित्तीय संस्था ९ दशमलव ८८, कुमारी धनवृद्धि योजना ३ दशमलव ६३, सिटिजन्स म्युचअल फुन्ड २ ३.५५ प्रतिशतले कमाए । बुद्धभूमि नेपाल हाइड्रोपावर ९ दशमलव ९८, अभियान लघुबित्त वित्तीय संस्था ७, माहुलि लघुवित्त वित्तीय संस्था ५ दशमलव ३० प्रतिशतले गुमाए । कारोबारको आधारमा सोनापुर मिनरल्स सबैभन्दा अगाडि रहे । सोनापुर मिनरल्सको ६ करोड २८ लाख कारोबार भएको छ । एनआइसी एसिया डेबेन्चर (८१/८२) को ५ करोड ३ लाख, सिटिजन लाइफ इन्स्योरेन्स ३६ करोड ८० लाख कारोबार भएको छ ।
![](https://assets-cdn.ekantipur.com/uploads/source/ads/900-x-100-0172024023126.gif)