काठमाडौंमा सृजनशील उद्यमी मेला

अन्नपूर्ण प्याभिलियन काठमाडौंमा आइतबारसम्म चल्ने मेलामा राइजिङ नेपाल प्रालिको व्यवस्थापन तथा नबिल बैंक र नारी म्यागजिनको सहकार्य रहेको बताइएको छ । सृजनशील महिलालाई सीप र दक्षता अभिवृद्धि गराई उद्यमशील तथा स्वरोजगारतर्फ प्रेरित गर्दै आर्थिक रूपमा सबल बनाई सफल उद्यमी बनाउने लक्ष्यसाथ

मेलाको आयोजना हुँदै आएको आयोजक महिला सृजनशील केन्द्रले जनाएको छ । विशेषतः भेदभाव र अवसरबाट वञ्चित महिला समुदायलाई सीप सिकाइ उनीहरूको सिर्जना तथा उत्पादनलाई बजारीकरण गर्न मेला महत्त्वपूर्ण हुने आयोजकको अपेक्षा छ । मेलामा ८० भन्दा बढी स्टल रहने र १० हजारभन्दा बढीले अवलोकन गर्ने आयोजकले जनाएको छ ।