काठमाडौंमा सृजनशील उद्यमी मेला
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — हरितालिका तीजको अवसरमा महिला सृजनशील केन्द्रले २०औं डाबर वाटिका तीज फेस्टिभल– सृजनशील उद्यमी मेला आयोजना गरेको छ । वाग्मती प्रदेश उद्योग, वाणिज्य, भूमि तथा प्रशासनमन्त्री रामकृष्ण चित्रकार, माइती नेपालकी अध्यक्ष अनुराधा कोइरालालगायतले शनिबार संयुक्त रूपमा मेला उद्घाटन गरे ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![काठमाडौंमा सृजनशील उद्यमी मेला](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/mela-0392023042236-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
अन्नपूर्ण प्याभिलियन काठमाडौंमा आइतबारसम्म चल्ने मेलामा राइजिङ नेपाल प्रालिको व्यवस्थापन तथा नबिल बैंक र नारी म्यागजिनको सहकार्य रहेको बताइएको छ । सृजनशील महिलालाई सीप र दक्षता अभिवृद्धि गराई उद्यमशील तथा स्वरोजगारतर्फ प्रेरित गर्दै आर्थिक रूपमा सबल बनाई सफल उद्यमी बनाउने लक्ष्यसाथ
मेलाको आयोजना हुँदै आएको आयोजक महिला सृजनशील केन्द्रले जनाएको छ । विशेषतः भेदभाव र अवसरबाट वञ्चित महिला समुदायलाई सीप सिकाइ उनीहरूको सिर्जना तथा उत्पादनलाई बजारीकरण गर्न मेला महत्त्वपूर्ण हुने आयोजकको अपेक्षा छ । मेलामा ८० भन्दा बढी स्टल रहने र १० हजारभन्दा बढीले अवलोकन गर्ने आयोजकले जनाएको छ ।
![](https://assets-cdn.ekantipur.com/uploads/source/ads/900-x-100-0172024023126.gif)