सन नेपाल लाइफको आईपीओ बाँडफाँट, करिब आधाको हात रित्तो
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — सन नेपाल लाइफ इन्स्योरेन्सको प्राथमिक सेयर (आईपीओ) बाँडफाँट भएको छ । नेपाल एसबीआई मर्चेन्ट बैंकिङको निस्कासन तथा बिक्री प्रबन्धकत्वमा सन नेपाल लाइफको आईपीओ खुला भएको थियो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![सन नेपाल लाइफको आईपीओ बाँडफाँट, करिब आधाको हात रित्तो](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/sunnepal-0192023092326-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
आईपीओ भरेका योग्य १४ लाख ६६ हजार ८६२ आवेदकमध्ये गोलाप्रथाबाट ७ लाख ६८ हजारले १० कित्ताका दरले पाएका छन् । याेग्य आवेदकमध्ये ५२ प्रतिशतले सेयर पाएका छन् भने करिब ४८ प्रतिशतको हात रित्तो भएको छ । यसको नतिजा आईपीओ रिजल्ट डट् सीडीएससी डट् कम डट् एनपीबाट हेर्न सकिन्छ ।
कम्पनीले सर्वसाधारणका लागि कुल ७६ लाख ८० हजार कित्ता साधारण सेयर साउन ३२ देखि भदौ ४ गतेसम्म बिक्री खुला गरेको थियो । सो सेयरको शुक्रबार बाँडफाँट भएको हो । कम्पनीले यसअघि ९ लाख ६० हजार कित्ता वैदेशिक रोजगारमा रहेका नेपालीलाई र ४ लाख ८० हजार कित्ता सामूहिक लगानी कोषका लागि बाँडफाँट गरिसकेको छ । कम्पनीले अंकित मूल्य १ सयमा १३९ रुपैयाँ प्रिमियम थप गरी आईपीओ निस्कासन गरेको थियो ।
![](https://assets-cdn.ekantipur.com/uploads/source/ads/900-x-100-0172024023126.gif)