सन नेपाल लाइफको आईपीओ बाँडफाँट, करिब आधाको हात रित्तो 

आईपीओ भरेका योग्य १४ लाख ६६ हजार ८६२ आवेदकमध्ये गोलाप्रथाबाट ७ लाख ६८ हजारले १० कित्ताका दरले पाएका छन् । याेग्य आवेदकमध्ये ५२ प्रतिशतले सेयर पाएका छन् भने करिब ४८ प्रतिशतको हात रित्तो भएको छ । यसको नतिजा आईपीओ रिजल्ट डट् सीडीएससी डट् कम डट् एनपीबाट हेर्न सकिन्छ ।

कम्पनीले सर्वसाधारणका लागि कुल ७६ लाख ८० हजार कित्ता साधारण सेयर साउन ३२ देखि भदौ ४ गतेसम्म बिक्री खुला गरेको थियो । सो सेयरको शुक्रबार बाँडफाँट भएको हो । कम्पनीले यसअघि ९ लाख ६० हजार कित्ता वैदेशिक रोजगारमा रहेका नेपालीलाई र ४ लाख ८० हजार कित्ता सामूहिक लगानी कोषका लागि बाँडफाँट गरिसकेको छ । कम्पनीले अंकित मूल्य १ सयमा १३९ रुपैयाँ प्रिमियम थप गरी आईपीओ निस्कासन गरेको थियो ।