अमेरिकामा सन् २००१ यताकै उच्च ब्याजदर
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — अमेरिकामा सन् २००१ यताकै उच्च ब्याजदर कायम भएको छ । हालै केन्द्रीय बैंक (फेडरल रिजर्भ बैंक)ले सन्दर्भ ब्याजदर ०.२५ प्रतिशत विन्दुले बढाएसँगै ब्याजदर २२ वर्षयताकै उच्च कायम भएको हो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![अमेरिकामा सन् २००१ यताकै उच्च ब्याजदर](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/jerom-powell-2262023035406-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
फेडरल बैंकले नयाँ सन्दर्भ ब्याजदर ५.२५ देखि ५.५० प्रतिशत कायम गरेको छ । २०२२ मार्चयता अमेरिकामा ११ औं पटक ब्याजदर बढेको छ । मुद्रास्फितिले अर्थतन्त्रमा परिरहेको असरलाई मध्यनजर गर्दै ब्याजदर पुनः वृद्धि गरिएको फेडरल रिजर्भ बैंकका अध्यक्ष जेरोम पावेलले बताएका छन् ।
‘पछिल्ला महिनामा मुद्रास्फिति दर नियन्त्रणमा आएको छ, तर २ प्रतिशतको सीमामा झार्ने हाम्रो लक्ष्यमा पुग्नका लागि लामो बाटो तय गर्नुपर्छ’ पावेलले पत्रकार सम्मेलनमा भनेको विषयलाई सीएनबीसीले उल्लेख गरेको छ । साथै उनले यसको प्रभाव हेरेर सेप्टेम्बरमा स्थिर राख्न सकिने पनि उल्लेख गरेका छन् । यद्यपि मुद्रास्फिति नियन्त्रणका लागि ब्याजदर नै प्रभावकारी औजार रहेको उनले औंल्याएका छन् । अमेरिकामा क्रमिक रुपमा मुद्रास्फिति नियन्त्रणमा आएको छ । जुन महिनामा यहाँ वार्षिक उपभोक्ता मुद्रास्फिति दर ३ प्रतिशतमा झरेको छ । मुद्रास्फिति नियन्त्रणका लागि नै फेडरल रिजर्भ बैंकले ब्याजदर वृद्धि गर्दै आएको छ ।
![](https://assets-cdn.ekantipur.com/uploads/source/ads/900-x-100-0172024023126.gif)