अधिक तरलता प्रभाव : १० अर्ब माग्दा बैंकहरूले गरे २६ अर्बको आवेदन
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — बैंकिङ प्रणालीमा लगानीयोग्य रकम (तरलता) अधिक हुन थालेको छ । जसको प्रभावले नेपाल राष्ट्र बैंकले रिभर्स रिपोमार्फत १० अर्ब माग गर्दा बैंकहरुले २६ अर्ब ३३ करोड रुपैयाँको आवेदन प्रस्ताव गरेका छन् ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![अधिक तरलता प्रभाव : १० अर्ब माग्दा बैंकहरूले गरे २६ अर्बको आवेदन](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/paisa2-2262023090259-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
कुल ९ वटा बैंक तथा वित्तीय संस्थाहरुले सो रकमको आवेदन दिएका थिए । एक सूचना जारी गर्दै राष्ट्र बैंकले असार १४ गतेसम्मका लागि (७ दिने अवधिको) बोलकबोलमार्फत १० अर्ब खिचेको हो । बैंकहरुले ब्याजदर पनि घटाएर आवेदन गरेका छन् । बोलकबोलमार्फत १० अर्ब रुपैयाँ खिच्दा न्यूनतम २.७३९९ देखि अधिकतम ३.२४०० प्रतिशतसम्म ब्याजदर कायम भएको छ । यसअघि माघमा सो अवधिकै रिभर्स रिपो जारी गर्दा ४.२४ प्रतिशतदेखि अधिकतम ४.४६ प्रतिशतसम्म कायम भएको थियो । बैंकिङ प्रणालीमा हाल ३ खर्बभन्दा धेरै लगानीयोग्य रकम रहेको बैंकरहरूले बताउँदै आएका छन् ।
![](https://assets-cdn.ekantipur.com/uploads/source/ads/900-x-100-0172024023126.gif)