कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: २०९

निर्माण कार्यमा प्रगति नभएपछि ६८ वटा ठेक्का तोडियो 

काठमाडौँ — पटकपटक ताकेता गरेपनि निर्माण कार्यमा प्रगति नभएपछि ६८ वटा ठेक्का तोडिएको उपप्रधान एवम् भौतिक पूर्वाधार तथा यातायात मन्त्री नारायणकाजी श्रेष्ठले बताएका छन् । सोमबार मन्त्री नियुक्त भएको ३ महिना ३ दिन पुगेको अवसरमा आफूले गरेको कामबारे सञ्चारकर्मीसँग कुरा गर्दै उनले ६८ कम्पनीसँग ठेक्का तोडेर कालोसूचीमा राख्न सिफारिस गरिएको बताए ।

निर्माण कार्यमा प्रगति नभएपछि ६८ वटा ठेक्का तोडियो 

‘सडक र पुलमा गरेर २६४ वटा ठेक्का रुग्ण रहेकोमा नियमित अनुगमनबाट प्रगति हुने नदेखिएपछि २४ वटा ठेक्का तोडेर कालोसूचीमा राख्न सार्वजनिक खरिद अनुगमन कार्यालयमा पठाइएको छ र ४४ वटा ठेक्का कानुन बमोजिम तोडिएको छ,’ मन्त्री श्रेष्ठले भने, ‘१९६ वटा ठेक्काको हकमा निर्माण व्यवसायीबाट प्रतिबद्धता लिई आवधिक लक्ष्य (माइलस्टोन) निर्धारण गर्दै काम अघि बढाइएको छ ।’

मन्त्री श्रेष्ठले सबैभन्दा बढी गुनासो आउने गरेको नख्खु–भैंसेपाटी सडक चैत महिनाभित्र कालोपत्र हुने दाबी गरे । ‘चाबहिल–साँखु सडक अन्तर्गत जोरपाटी खण्डमा निर्माणको काम सक्न समय लाग्नेछ, जहाँ जग्गा सम्बन्धी विवाद छ र अदालतसँग जोडिएकाले समस्या भएको हो,’ उनले भने, ‘नत्र अहिलेसम्म सडक कालोपत्र भइसक्थ्यो ।’ त्यस्तै पर्यटकीय क्षेत्र नगरकोट जाने कमलविनायक–नगरकोट सडकमा पटकपटक ताकेता गर्दापनि ठेकेदारले काम नसकेपछि काम सक्ने निश्चित समय तोकिएको उनले बताए । ‘यसरी तोकिएको समयभित्र पनि काम नसकिए ठेक्का तोड्नुको विकल्प हुने छैन,’ उनले भने । जहाँजहाँ सडकको समस्या छन् । त्यहाँ चाँडो काम सक्न निर्माण व्यवसायीलाई बोलाएरै निर्देशन दिएको उनले सुनाए ।


प्रकाशित : चैत्र १३, २०७९ १८:३८
प्रतिक्रिया
पठाउनुहोस्
जनताको राय

नेपाल संघीय लोकतान्त्रिक गणतन्त्र घोषणा भएको १६ वर्ष पुरा भएको छ । गणतन्त्रको गति कस्तो लागिरहेको छ ?