सात महिनामा ८४ अर्बको डिजेल र ३८ अर्बको पेट्रोल आयात
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — चालु आर्थिक वर्षकाे पहिलाे सात महिनामा ८४ अर्ब ६१ करोड ६४ लाख रुपैयाँ बराबरको डिजेल आयात गरिएकाे छ । गत आर्थिक वर्षको साउनदेखि माघसम्मको तुलनामा यस वर्षकाे साेही अवधिमा १५.९७ प्रतिशतले डिजेल आयात बढेको हो ।
![](https://assets-cdn.ekantipur.com/uploads/source/ads/900x100-1172024092759.gif)
![सात महिनामा ८४ अर्बको डिजेल र ३८ अर्बको पेट्रोल आयात](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/oil94-0342022010915-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
गत आर्थिक वर्ष साउनदेखि माघसम्म मुलुकमा ७२ अर्ब ९६ कराेड १९ लाख रुपैयाँ बराबरको ९ लाख ६८ हजार ५५७ किलाेलिटर डिजेल आयात गरिएकाे थियाे । डिजेलसँगै चालु आर्थिक वर्षकाे सात महिनामा पेट्रोल समेत १५.३९ प्रतिशतले बढी आयात भएकाे विभागकाे तथ्यांक छ । चालु आर्थिक वर्षको ७ महिनामा मुलुकमा ३८ अर्ब ७३ करोड ३३ लाख रुपैयाँ बराबरको पेट्रोल आयात गरिएकाे छ । गत आर्थिक वर्ष ३३ अर्ब ५६ कराेड ५५ लाख रुपैयाँ बराबरकाे पेट्रोल आयात गरिएको थियो । रकमका आधारमा पेट्रोलको आयात बढेको देखिए पनि परिमाणका आधारमा भने घटेको छ । साउनदेखि माघसम्म ३ लाख ८७ हजार ६५१ किलोलिटर पेट्रोल आयात भएको छ । जबकि गत वर्षको यसै अवधिमा ४ लाख २१ हजार १७२ किलाेलिटर पेट्रोल आयात गरिएकाे थियाे । पेट्रोलियम पदार्थको मूल्यवृद्धिका कारण रकम र परमाणमा यस्तो अन्तर देखिएको हो ।
![](https://assets-cdn.ekantipur.com/uploads/source/ads/900-x-100-0172024023126.gif)