व्यवसायीले बैंकका सीईओहरूलाई भेटेर भने : कर्जाको ब्याज घटाउ
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — नेपाल उद्योग परिसंघ र नेपाल बैकर्स संघका पदाधिकारीहरुबीच भेटवार्ता भएको छ । बैंकर्स संघका अध्यक्ष सुनिल केसीसहित पदाधिकारीसँगको भेटवार्तामा परिसंघका अध्यक्ष विष्णुकुमार अग्रवालले कर्जाको ब्याज घटाउन आग्रह गरे । उच्च ब्याजदरका कारण समग्र मागमा संकुचन आएकाले यतिबेला उद्योगीको मनोबल खस्किएको अग्रवालको भनाइ छ ।
![](https://assets-cdn.ekantipur.com/uploads/source/ads/900x100-1172024092759.gif)
![व्यवसायीले बैंकका सीईओहरूलाई भेटेर भने : कर्जाको ब्याज घटाउ](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/nepal-bankers-association1-0222023023255-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
साना तथा मझौला व्यवसायीले बैंकलाई कर्जाको किस्ता तिर्न सक्ने अवस्था नभएकाले बिना प्रोभिजन ऋणको पुनर्संरचना गर्नुपर्ने, पुनर्तालिकीरण गर्नुपर्ने चेम्बरको सुझाव छ । उद्योगहरुको प्रबर्द्धनका लागि आधार दरमा २ प्रतिशत मात्रै ब्याज लगाएर कर्जा प्रवाह गर्न चेम्बरले आग्रह गरेको छ । चालु पुँजी कर्जा मार्गदर्शनको संशोधनपछि पनि राष्ट्र बैंक, बैंकर, उद्योगी व्यवसायीबीच बुझाइमा एकरुपता आउन नसकेकाले विज्ञसहितको हेल्प डेस्क स्थापना गर्नुपर्नेमा परिसंघले जोड दिएको छ ।
बैंकर्स संघका अध्यक्ष सुनिल केसीले परिसंघले दिएका केही सुझाव संघले कार्यान्वयन गर्दै लगेको बताए । उनले बैंकहरुको निष्क्रिय कर्जा बढेको बताउँदै उद्योगीले पनि आफ्नो जिम्मेवार पूरा गर्नुपर्नेमा जोड दिए । ब्याजदरका विषयमा उद्योगी सडक आन्दोलनमा जानु जायज नहुने भएकाले यसलाई फिर्ता गर्दै धैर्य हुन केसीले आग्रह गरे । छलफलमा परिसंघका उपाध्यक्षहरु कृष्णप्रसाद अधिकारी, विरेन्द्रराज पाण्डे, हेमराज ढकालसहित परिसंघ नेसनल काउन्सिल सदस्यहरु, नेपाल बैंकर्स संघका उपाध्यक्ष सन्तोष कोइराला, कार्यसमिति सदस्यहरु अजय विक्रम शाह, दिपककुमार दे, सल्लाहाकार अशोक शम्सेर राणालगायत सहभागी थिए ।
![](https://assets-cdn.ekantipur.com/uploads/source/ads/900-x-100-0172024023126.gif)