प्रभुले सेञ्चुरी बैंकलाई प्राप्ति गर्न अन्तिम स्वीकृति पायो

उक्त निर्णय अनुसार सम्बन्धित बैंकहरुले मंगलबार नै राष्ट्र बैंकबाट अन्तिम स्वीकृतिको पत्र पाइसकेका छन् । यी बैंकहरु समान सेयर मिलान अनुपात (स्वाप)का आधारमा प्राप्ति हुन लागेका हुन् । जसअनुसार प्रभु बैंकको एक सय कित्ता सेयर बराबर सेन्चुरी बैंकको पनि एक सय कित्ता सेयर कायम हुनेछ ।

प्राप्तिपछि बन्ने नयाँ बैंक ‘प्रभु बैंक’कै नामबाट सञ्चालन हुने छ । बैंकको प्रमुख कार्यकारी अधिकृतमा अशोक शेरचन नै हुनेछन् भने अध्यक्ष पनि प्रभु बैंककै तर्फबाट हुनेछन् । शेरचन हाल प्रभु बैंकका प्रमुख कार्यकारी अधिकृत हुन् । प्राप्तिपछि बन्ने नयाँ बैंकको चुक्ता पुँजी करिब २३ अर्ब रुपैयाँ हुनेछ । हाल प्रभु बैंकको चुक्ता पुँजी १३ अर्ब ५३ करोड र सेञ्चरी बैंकको १० अर्ब रूपैयाँ छ ।