विद्युत् प्रसारण लाइन आधुनिकीकरणका लागि एडीबीसँग ७ अर्ब ऋण सम्झौता

अर्थ सचिव मधुकुमार मरासिनी र एसियाली विकास बैंकका देशीय निर्देशक आर्नड कौकोइसले शुक्रबार उक्त ऋण सम्झौतामा हस्ताक्षर गरे । यो ऋण रकम नेपाल विद्युत् प्राधिकरणमार्फत् परिचालन हुनेछ ।

एडीबीले यसअघि पनि नेपालको जलविद्युत् क्षेत्रमा सहुलियतपूर्ण ऋण लगानी गर्दै आएको छ । वितरण प्रणाली आधुनिकीकरण गर्ने उद्देश्यअनुसार एडीबीले नेपाल विद्युत् प्राधिकरणलाई स्मार्ट मिटर परियोजना कार्यान्वयन गर्नका लागि पनि सहुलियतपूर्ण ऋण उपलब्ध गराएको छ । त्यस्तै उत्पादन आयोजनामा पनि एडीबीमार्फत् नेपालले ऋण लिएको छ ।