जाजरकोटमा मह उत्पादन घट्यो- अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement

जाजरकोटमा मह उत्पादन घट्यो

रासस

जाजरकोट — नलगाड नगरपालिका– १ कलपतका रामबहादुर बुढाले गत वर्ष ३५० धार्नी मह बिक्रीबाट चार लाख ५० हजार आम्दानी गरेका थिए । यस वर्ष ५० धार्नी पनि मह उत्पादन नहुँदा उनी अहिले निराश देखिएका छन् ।

सोही ठाउँका कालीबहादुर पुनको पनि ६० घार मौरीले यस वर्ष १० धार्नी मह पनि उत्पादन गर्न सकेन । व्यावसायिक रुपमा मौरीपालन गर्दैआएका उनी आम्दानी घटेपछि अहिले निराश छन् ।

बुढा र पुन: त उदाहरण मात्रै हुन् । अहिले जिल्लाका ३५० भन्दा बढी किसानको समस्या उस्तै छ । व्यावसायिक रुपमा मौरीपालन गर्दैआएका किसान मह उत्पादन घटेको बताउँछन् ।

गत असोज कात्तिक महिनामा भएको वर्षाले चिउरीलगायत अन्य फूलको रस बगाउँदा जिल्लाभर मह उत्पादन घटेको भेरी नगरपालिका कृषि शाखा प्रमुख यज्ञ अधिकारीले बताए ।

मौरीलाई चरन क्षेत्रको अभाव, वन विनाश, अतिक्रमण, जलवायु परिवर्तनलगायत कारण मह उत्पादन घट्दैगएको उनको भनाइ थियो । विभिन्न रोगले मौरी मर्नु, किसानलाई प्राविधिक ज्ञानको कमी हुनु, आहारा नपाएर मौरी भाग्नुलगायत समस्या पनि अर्को कारण मानिन्छ ।

गत वर्ष प्रतिधार्नी १ हजार ५ सय मूल्य पर्ने मह यो वर्ष २ हजार ५ सयदेखि ३ हजारसम्म पुगेको छ । उत्पादन घट्दा मूल्यवृद्धि भएको बताइन्छ । मह उत्पादनका लागि पकेट क्षेत्र मानिएको क्षेत्रका किसानहरू यस वर्ष निराश बनेको बताउँछन् ।

प्रकाशित : मंसिर ६, २०७८ १८:०८
प्रतिक्रिया
पठाउनुहोस्

तीन दिनमै बैंकहरूमा घट्यो ७ अर्ब निक्षेप

कान्तिपुर संवाददाता

काठमाडौँ — मंसिरको तीन दिनमै वाणिज्य बैंकहरुमा ७ अर्ब रुपैयाँ निक्षेप घटेको छ । नेपाल बैंकर्स एसोसिएसनका अनुसार कात्तिक ३० गतेसम्म बैंकहरूमा ४२ खर्ब ३३ अर्ब निक्षेप संकलन भएकोमा मंसिर ३ गतेसम्म आउँदा ४२ खर्ब २६ अर्ब रुपैयाँमा झरेको छ ।

यस अवधिमा कर्जा प्रवाह भने ७ अर्बले नै बढेको छ । कात्तिक मसान्तसम्म ४० खर्ब ३४ अर्ब रुपैयाँ कर्जा प्रवाह भएकोमा मंसिर ३ गतेसम्म आउँदा ४० खर्ब ४१ अर्ब कायम भएको छ । बैंकहरुको कर्जा बढ्दै जाँदा निक्षेप भने घट्दै गएको छ ।

कात्तिक महिनामा मात्रै कुल ३६ अर्ब रुपैयाँ निक्षेप घटेको छ जवकि कर्जा प्रवाह ३६ अर्बले नै बढेको छ । यहीं कारण पछिल्लो समय बैंकहरुको कर्जा निक्षेप अनुपात (सिडी रेसियो) ९० प्रतिशत नाघेको छ । राष्ट्र बैंकका अनुसार हाल बैंकहरुको औसत सिडी रेसियो ९०.१८ प्रतिशत छ । उच्च सिडी रेसियोका कारण कतिपय बैंकले नयाँ कर्जा रोकेका छन् ।


प्रकाशित : मंसिर ६, २०७८ १८:०३
पूरा पढ्नुहोस्
प्रतिक्रिया
पठाउनुहोस्
×