बाढी पीडितलाई सहयोगबारे अर्थमन्त्री र बेलायती राजदूतबीच छलफल- अर्थ / वाणिज्य - कान्तिपुर समाचार

बाढी पीडितलाई सहयोगबारे अर्थमन्त्री र बेलायती राजदूतबीच छलफल

कान्तिपुर संवाददाता

काठमाडौँ — अर्थमन्त्री जनार्दन शर्मा र नेपालका लागि बेलायती राजदूत निकोला पोलिटबीच शिष्टाचार भेटवार्ता भएको छ ।  आइतबार मन्त्रालयमा भएको भेटमा द्धिपक्षीय हितका साथै नेपालमा जलवायु परिवर्तनको असरबारे छलफल भएको छ ।

भेटमा सुदूरपश्चिमसहित देशका विभिन्न स्थानमा भएको बेमौसमी वर्षा र बाढी पहिरोले पुर्‍याएको जन, धन र पूर्वाधार क्षतिका सम्बन्धमा समेत कुराकानी भएको छ । साथै पुनर्स्थापना, क्षतिपूर्ति र क्षतिग्रस्त पूर्वाधारहरुको निर्माणका लागि आवश्यक सहयोग सम्बन्धमा सकारात्मक कुराकानी भएको छ ।

मन्त्री शर्माले अन्तर्राष्ट्रिय विकास साझेदारहरुको ध्यानाकर्षण समेत गराएका छन् । यस्तै भेटमा जलवायु परिवर्तन सम्बन्धी संयुक्त राष्ट्र संघीय सम्मेलन २०२१ मा जलवायु परिवर्तनका कारण प्रभावित बनेका नेपालजस्ता देशहरुले क्षतिपूर्ति पाउने गरी प्रभावकारी नीतिगत व्यवस्था हुनुपर्ने विषयमा पनि छलफल भएको छ ।


प्रकाशित : कार्तिक ७, २०७८ १४:५४
प्रतिक्रिया
पठाउनुहोस्

दिक्तेलमा कुकुरको टोकाइबाट एकै दिन १५ जना घाइते

डम्बरसिं राई

खोटाङ — भुस्याहा कुकुरले टोकेर एकै दिन १५ जना घाइते भएपछि दिक्तेल बजारका स्थानीय आतङ्कित भएका छन् ।




शनिबार दिक्तेल बजारका विभिन्न ठाउँमा कुकुरले टोकेर १५ जना घाइते भएपछि घाइते भएकामध्ये १३ जनालाई जिल्ला अस्पतालमा रेविज विरुद्धको खोप लगाइएको छ । दुईजना घाइतेलाई भने थप उपचारका लागि काठमाडौंको टेकुस्थित शुक्रराज ट्रपिकल तथा सरुवा रोग अस्पताल पठाइएको जिल्ला अस्पताल खोटाङका प्रमुख चिकित्सक बैभव मल्लिकले बताए ।

दिक्तेल बजारको रत्नपार्क, हाटडाँडा, अस्पताल चोकलगायतका विभिन्न ठाउँमा शनिबार भुस्याहा कुकुरको टोकाइबाट बजारवासी घाइते भएका हुन् । एकै दिन बजारमा भुस्याहा कुकुरको टोकाइबाट यति धेरै घाइते भएको यो नै पहिलो घटना हो । उक्त घटनापछि घाइते र अरु स्थानीयहरुले भुस्याहा कुकुरको नियन्त्रण गर्नुपर्ने माग गरेका छन् ।

प्रकाशित : कार्तिक ७, २०७८ १४:५३
पूरा पढ्नुहोस्
प्रतिक्रिया
पठाउनुहोस्
×