डेढ अर्ब लागतमा कागज उद्योग
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — महोत्तरीको गौशाला नगरपालिका–१ रामनगरमा १ अर्ब ५० करोड रुपैयाँ लागतमा नयाँ कागज उद्योग स्थापना हुने भएको छ । उद्योग स्थापनाका लागि सोमबार आईएमई समूहका अध्यक्ष चन्द्र ढकालले नेपाल पल्स एन्ड पेपर इन्डस्ट्रिज प्रालिको शिलान्यास गरे ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![डेढ अर्ब लागतमा कागज उद्योग](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/third-party/kagaj-udhyog-2872021042426-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
कागज उद्योगमा ढकाल, जनकपुरधामको सर्राफ समूह, उद्योगपति सुनीलगोपाल श्रेष्ठ, होमनाथ ज्ञवालीलगायतको लगानी छ । आईएमई समूहद्वारा प्रवर्द्धित उद्योगको आफ्नै ११ बिघा जमिनमा निर्माण हुने भवनमा कारखाना सञ्चालन हुनेछ । उद्योगलाई आवश्यक सबै उपकरण र यन्त्र जडानको काम एक वर्षभित्र सकेर उत्पादन सुरु हुने ढकालले जानकारी दिए ।
यस उद्योगले सञ्चालनमा आएपछि दैनिक ७५ टन कागज उत्पादन गर्नेछ । साथै एक हजार जनाले रोजगारी पाउने कम्पनीले बताएको छ । ‘फिनिक्स प्रडक्ट’ उत्पादन दिने यो उद्योगबाट नेपालमा आयात हुने गरेको कागज प्रतिस्थापन गर्ने अपेक्षा राखिएको उद्योगले जनाएको छ ।
![](https://assets-cdn.ekantipur.com/uploads/source/ads/900-x-100-0172024023126.gif)