डेढ अर्ब लागतमा कागज उद्योग

कागज उद्योगमा ढकाल, जनकपुरधामको सर्राफ समूह, उद्योगपति सुनीलगोपाल श्रेष्ठ, होमनाथ ज्ञवालीलगायतको लगानी छ । आईएमई समूहद्वारा प्रवर्द्धित उद्योगको आफ्नै ११ बिघा जमिनमा निर्माण हुने भवनमा कारखाना सञ्चालन हुनेछ । उद्योगलाई आवश्यक सबै उपकरण र यन्त्र जडानको काम एक वर्षभित्र सकेर उत्पादन सुरु हुने ढकालले जानकारी दिए ।

यस उद्योगले सञ्चालनमा आएपछि दैनिक ७५ टन कागज उत्पादन गर्नेछ । साथै एक हजार जनाले रोजगारी पाउने कम्पनीले बताएको छ । ‘फिनिक्स प्रडक्ट’ उत्पादन दिने यो उद्योगबाट नेपालमा आयात हुने गरेको कागज प्रतिस्थापन गर्ने अपेक्षा राखिएको उद्योगले जनाएको छ ।