विकासशील एसियाली मुलुकको आर्थिक वृद्धिदर घट्ने आकलन

विकासशील एसियाली मुलुकको आर्थिक वृद्धिदर यो वर्ष ७.२ प्रतिशतमा सीमित हुने एडीबीको अनुमान छ ।

यसअघि अप्रिलमा एडीबीले यी मुलुकको आर्थिक वृद्धिदर ७.३ प्रतिशत हुने अनुमान गरेको थियो ।

केही मुलुकमा कोभिडको प्रभाव पुन: बढेको र महामारीबाट हुने पुनरुत्थान केही सुस्त भएको भन्दै एडीबीले आफ्नो पूर्वानुमान संशोधन गरेको हो ।

एडीबीले आगामी वर्ष सन् २०२२ मा यी मुलुकको अर्थतन्त्रको वृद्धिदर केही बढ्ने अनुमान गरेको छ । विकासशील एसियाली मुलुकको आर्थिक वृद्धिदर आगामी वर्ष ५.४ प्रतिशत हुने एडीबीको अनुमान छ ।

यसअघि एडीबीले यी मुलुकको आर्थिक वृद्धिदर आगामी वर्ष ५.३ प्रतिशतमा सीमित हुने भनेको थियो ।