सेयर बजारको वृद्धि टिकेन, साढे ५१ अंकले घट्यो नेप्से

अघिल्ला ५ कारोबार दिनमा करिब २ सय अंकले घटेको बजारमा मंगलबार करिब ८० अंकको सुधार देखिएको थियो । तर, यो वृद्धि बुधबारसम्म पनि टिक्न सकेन ।

बुधबार कारोबारमा आएका सबै उपसमूहको परिसूचक घटेपछि नेप्सेमा दबाब परेको हो । सोही कारण नेप्सेमा उच्च अंकको गिरावट आएको हो । सो दिन परिसूचकसँगै कारोबार रकममा पनि भारी गिरावट आएको छ ।

अघिल्लो दिनको तुलनामा बुधबार नेप्से परिसूचक, कारोबार रकम, कारोबार सेयर संख्या सबैमा कमी आएको छ । सो दिन करिब ७३ हजार ३ सय कारोबारबाट २ सय १६ कम्पनीका १ करोड ६१ लाख १७ हजार कित्ता सेयर किनबेच भए । ती किनबेचमा ६ अर्ब ६५ करोड रुपैयाँ बराबरको मात्र सेयर कारोबार भएको छ ।