महासंघले थाल्यो ‘हेल्लो डाक्टर’ अभियान- अर्थ / वाणिज्य - कान्तिपुर समाचार
कान्तिपुर वेबसाईट
AdvertisementAdvertisement

महासंघले थाल्यो ‘हेल्लो डाक्टर’ अभियान

कान्तिपुर संवाददाता

काठमाडौँ — नेपाल उद्योग वाणिज्य महासंघले ‘एफएनसीसीआई अपरेसन कोभिड रिलिफ नेपाल’ अभियान सुरु गरेको छ । अभियानअन्तर्गत पहिलो कार्यक्रममा ‘हेल्लो डाक्टर’ को सुरुवात गरिएको महासंघले जानकारी दिएको छ ।

नयाँ भेरियन्टको कोभिडको जोखिममा रहेका सर्वसाधारणको स्वास्थ्य सुरक्षालाई प्राथमिकतामा राख्दै उक्त अभियान सुरु गरिएको हो । कार्यक्रमका लागि महासंघले भाइबरसँग समेत सहकार्य गरेको छ । यसमा डाक्टर अन कलका चिकित्सकले स्वास्थ्य परामर्शदाताका रूपमा सेवा प्रदान गर्नेछन् ।

कोभिड संक्रमित भई घर वा आइसोलेसनमा बसेका, चिकित्सकको सल्लाह एवं परामर्श लिन कठिनाइ भएकाले कार्यक्रममार्फत सहयोग लिन सक्ने महासंघले जानकारी दिएको छ । सुरुमा पाँच जना डाक्टरबाट परामर्श थालिने महासंघले जनाएको छ । त्यसका लागि बिहान ९ देखि १२ बजेसम्म र दिउँसो ३ देखि ६ बजेसम्म समय छुट्याइएको छ । नाम दर्ता गर्न बिरामीले २११११२११११ भाइबर नम्बरमा म्यासेज गर्नुपर्नेछ ।

प्रकाशित : वैशाख २६, २०७८ ०८:३०
प्रतिक्रिया
पठाउनुहोस्

चौदण्डीगढीमा पाँच घर जले

डिल्लीराम खतिवडा

उदयपुर — चौदण्डीगढी नगरपालिका–८ वीरेन्द्र बजारमा आइतबार बिहान आगलागी हुँदा पाँचवटा घरपसल जलेर नष्ट भएका छन् । 

विद्युत् सर्ट भई भएको आगलागीमा स्थानीय कला राई, डम्बर राई, बादल राई, पदमा मगर र कृष्ण मगरको घरपसल जलेको इलाक प्रहरी कार्यालय बेल्टारका प्रहरी निरीक्षक छेफिन्जो भोटेले बताए । कलाको घरमा विद्युत् सट भई आगलागी हुँदा छिमेकीको घरमा सल्केको उनले जानकारी दिए ।

बिहान ४ बजेतिर सुरु भएको आगलागीे स्थानीय बासिन्दा, चौदण्डीगढी नगरपालिकको वारुण यन्त्र, नेपाल प्रहरी र सशस्त्र प्रहरीको सहयोगमा साढे ३ घण्टापछि नियन्त्रणमा आएको प्रहरी निरीक्षक भोटेले बताए । आगलागीपछि वर्षा भइरहेकाले क्षतिको यकिन विवरण संकलन भइनसकेको वडा सदस्य गरुडमान विकले जानकारी दिए ।


प्रकाशित : वैशाख २६, २०७८ ०८:२०
पूरा पढ्नुहोस्
प्रतिक्रिया
पठाउनुहोस्
×