मनकामना केबलकार स्तरोन्नति गरिँदै

केबलकार स्तरोन्नतिको काम तीन चरणमा हुने बताइएको छ ।

पहिलो चरणमा तत्काल अत्यावश्यक र मर्मत गर्न नसकिने पार्टपुर्जा फेरिनेछ । दोस्रो चरणमा नयाँ प्रविधिमैत्री बनाउन पूर्वाधार तयार तथा अन्य थप पार्टपुर्जा फेरिने शेरचनले बताए । ‘अन्तिम चरणमा हालको एनालग प्रविधिबाट डिजिटलमा स्तरोन्नति गरिनेछ,’ उनले भने । केबल लट्ठा फेर्ने, कम्युनिकेसन केबललाई सेट्रा केबल र डीसी ड्राइभलाई एसी ड्राइभमा रूपान्तरण गरी प्रविधियुक्त बनाइने कम्पनीले बिहीबार जारी गरेको विज्ञप्तिमा उल्लेख छ । नियमित मर्मतसम्भारका अतिरिक्त स्तरोन्नति गर्दा सेवा अवरुद्ध हुन सक्ने शेरचनले बताए ।