पर्यटन बोर्डमा तीन सदस्य नियुक्त
काठमाडौँ — नेपाल पर्यटन बोर्डमा रिक्त रहेको सञ्चालक समितिको सदस्यमा व्यवसायीहरु चन्द्र रिजाल, नवाङ निमा शेर्पा र कृष्णकुमार साह नियुक्त भएका छन् ।
संस्कृति, पर्यटन तथा नागरिक उड्डयन मन्त्रालयका प्रवक्ता तारानाथ अधिकारीका अनुसार, मन्त्री भानुभक्त ढकालले शुक्रबार बोर्डको रिक्त सदस्यमा यी तीन जनालाई तीन वर्ष कार्यकाल रहने गरी नियुक्त गरेका हुन् ।
पर्यटन सचिव अध्यक्ष रहने बोर्डको सञ्चालक समितिमा ११ सदस्य रहन्छन् । जसमा माघ ३ गतेदेखि निजी क्षेत्रका तीन जना सदस्यको समयावधि सकिएकाले रिक्त थियो ।
ती पदका लागि मन्त्रालयले सहसचिव समेत रहेका अधिकारीको अध्यक्षतामा उपसमिति गठन गएका थिए । उक्त उपसमितिमा २२ जनाले आफ्नो बायोडाटा बुझाएका थिए । तीमध्येबाट उपसमितिले यी बाहेक सीएन पाण्डे र हरिभक्त श्रेष्ठसहित ५ जनाको नाम सिफारि गरेको थियो । उपसमिति स्रोतका अनुसार, हाल नियुक्त भएका तीनै जना प्रधानमन्त्री ओली निकट व्यवसायी हुन् ।
प्रकाशित : माघ २३, २०७७ १४:३४
