कांग्रेसका ९ भ्रातृ संस्थाको म्याद थप- अन्य - कान्तिपुर समाचार
कान्तिपुर वेबसाईट
AdvertisementAdvertisement

कांग्रेसका ९ भ्रातृ संस्थाको म्याद थप

कान्तिपुर संवाददाता

काठमाडौँ — कांग्रेसले कार्यसमितिको पदावधि सकिएका आफ्ना भ्रातृ संस्थाहरूको ६ महिनाका लागि म्याद थपेको छ । तरुण दल, नेपाल विद्यार्थी संघ, किसान संघ, प्रजातान्त्रिक सेनानी संघ, दलित संघ, राष्ट्रिय लोकतान्त्रिक अपांग संघ, तामाङ संघ र ठाकुर समाजको पदावधि समाप्त भएका थिए ।

यीमध्ये धेरैजसो भ्रातृ संस्थाको लामो समयदेखि अधिवेशन गर्न नसकी तदर्थ समितिमार्फत चल्दै आएका छन् ।


प्रकाशित : श्रावण १६, २०७७ २२:३४
प्रतिक्रिया
पठाउनुहोस्

गुल्मीमा एकै घरका ४ जना पहिरोमा पुरिए, १ को शव फेला, ३ बेपत्ता

घनश्याम गौतम

रूपन्देही — गुल्मीको रुरु गाउँपालिका–५ आँटीपाटामा शुक्रबार गएको पहिरोमा एकैघरका चार जना पुरिएका छन् । एक बालकको शव फेला परेको छ । तीन जना बेपत्ता छन् ।  

घर माथिबाट ढुंगासहित बगेर आएको पहिरोले राजु माझीको घर बगाएको हो ।

पहिरोमा पुरिएर उनकी श्रीमती विना माझी, १२ वर्षभन्दा कम उमेरका दुई छोरा सागर र हेमन्त पहिरोमा बेपत्ता छन् । करिब ४ वर्षीया छोरी विनिताको शव फेला परेको छ ।

साँझ ६ बजेपछि परेको मुसलधारे वर्षाले पहिरो गएको र पहिरोमा तीन जना बेपत्ता र एक जनाको मृत्यु भएको वडअध्यक्ष हरि ज्ञवालीले बताए । ‘तीन जना पहिरोमै बेपत्ता छन्,’ उनले भने, ‘एक जना बालिकाको मृत्यु भएकै अवस्थामा शव फेला परेको छ ।’ पानी परिरहेकाले उद्धार र खोजीमा समस्या भइरहेको उनले बताए ।

घटनास्थल गुल्मीको सदरमुकाम तम्घासबाट झण्डै ४० किलोमिटर पूर्वमा पर्छ । घटनास्थलमा रिडी र श्रृंगा प्रहरी चौकीबाट प्रहरी जाँदै गरेको र थप विवरण आउन बाँकी रहेको प्रमुख जिल्ला अधिकारी भरतकुमार शर्माले बताए ।

प्रकाशित : श्रावण १६, २०७७ २२:१४
पूरा पढ्नुहोस्
प्रतिक्रिया
पठाउनुहोस्
×