सगुनको दोस्रो सेयर निष्कासन

काठमाडौँ — ई–कमर्स स्टार्टअप कम्पनी सुगनले विश्वभरबाट लगानी जुटाउन अर्को चरणको सेयर निष्कासन गरेको छ । अमेरिकी सेयर बजार नियामक धितोपत्र विनिमय आयोग (एसईसी) ले केही समयअघि सगुनको विवरणपत्रलाई बिक्रीयोग्य तोकेको थियो ।

सगुनले यस चरणमा ‘ग’ श्रेणीको साधारण सेयर प्रतिकित्ता ३० डलरका दरले ३ लाख कित्ता सर्वसाधारणलाई बिक्री गर्ने जनाएको छ । कम्पनीको सेयरमा विश्वभर रहेका सर्वसाधारणले कम्तीमा ३० कित्ता सेयर १९ सय डलरमा खरिद गर्न सक्छन् । कम्पनीले उक्त सेयर सीमित समयका लागि पहिले आवेदन गर्नेले किन्न पाउने गरी निष्कासन गरेको जनाएको छ ।