डम्बरको 'स्विटर फाटिएको' गीत सार्वजनिक

कान्तिपुर संवाददाता

काठमाडौँ — गायक डम्बर नेपालीको ‘स्विटर फाटिएको’ गीत सार्वजनिक भएको छ । बुधबार अनामनगरमा आयोजित एक कार्यक्रमका बीच गीतको भिडियो सार्वजनिक गरियो । डेढ वर्षपछि गायक नेपालीले नयाँ गीत सार्वजनिक गरेका हुन् ।

ZenTravel

प्रविन भट्टले निर्देश गरेको उक्त गीतमा डम्बरकै शब्द संगीत रहेको छ । भिडियोमा गायक नेपालीसहित सम्झना रिमाल,सोमु गुरुङ, विशाल घिमिरे र जिना ब्रिजीले अभिनय गरेका छन् ।

Meroghar

गीतमा ग्रामिण परिवेशको माया र गरिबीको पीडालाई उतारिएको उनले बताए । यो गीतबाटआफू निकै नै आशावादी रहेकोगायक नेपालीले बताए । उनले भने,'धेरैजनाबाट राम्रो प्रतिक्रियाहरु आइरहेको छु। '

प्रकाशित : माघ १५, २०७६ २०:५४
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

चितवनमा एकै दिन मरे दुई गैंडा 

रासस

काठमाडौँ — चितवन राष्ट्रिय निकुञ्जमा मंगलबार एकै दिन दुई गैंडा मरेका छन् । यी सँगै चालू आर्थिक वर्षमा प्राकृतिक कारणले मरेका गैंडाको संख्या १३ पुगेको छ । सोमध्ये दुई राष्ट्रिय वन क्षेत्रमा हुन् भने अन्य निकुञ्ज क्षेत्रमा हुन् । 

निकुञ्जका सूचना अधिकारी गोपाल घिमिरेका अनुसार निकुञ्जको तमासपुर क्षेत्रमा अन्दाजी १८/२० वर्षको पोथी गैंडा मृतावस्थामा फेला परेको हो । अर्को एक गैंडा सुखीभार क्षेत्र नजिक मृतावस्थामा फेला परेको छ । उनका अनुसार सो गैंडा ३० वर्षको पोथी हो ।

निकुञ्जका वरिष्ठ पशु चिकित्सक डा. विजयकुमार श्रेष्ठका अनुसार तमासपुरमा भेटिएको गैंडा विषाक्त खानाका कारणले मरेको प्रारम्भिक अध्ययनमा देखिएको छ । विषाक्त घाँस खाएर गैंडा मरेको हुन सक्ने श्रेष्ठले जानकारी दिए । अर्को गैंडा मर्नाको कारण खुल्न सकेको छैन ।

गत आर्थिक वर्षमा ४३ गैंडा प्राकृतिक कारणले मरेका थिए । आर्थिक वर्ष २०७४/७५ मा २६ र २०७३/७४ मा २५ गैंडा कालगतिले मरेका थिए । गैंडाको मृत्युदर उच्च भएपछि निकुञ्ज विभागले मृत्युको कारण अध्ययन गर्न समिति बनाएर काम गरिरहेको छ ।

विगत केही वर्षयता चोरी सिकारीबाट गैंडा मारिएका छैनन् तर कालगतिले मर्ने क्रम बढेपछि संरक्षणको क्षेत्रमा चिन्ता व्यक्त गरिएको छ । यसैगरी माउले छाडेका दुई बच्चालाई उद्धार गरी राष्ट्रिय प्रकृति संरक्षण कोष सौराहामा राखिएको छ । श्रेष्ठका अनुसार एउटा अन्दाजी तीन हप्ताको पोथी तमासपुर क्षेत्रबाट र अर्को चार महिनाको भाले बच्चा सौराहा नजिकैबाट उद्धार गरी राखिएको छ ।

प्रकाशित : माघ १५, २०७६ २०:२२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×