कान्तिपुर वेबसाईट
AdvertisementAdvertisement

गल्फको पुरुष टिम इभेन्टमा पनि नेपाललाई स्वर्ण

कान्तिपुर संवाददाता

काठमाडौँ — १३ औं साग अन्तर्गत गल्फको पुरुष टिम इभेन्टमा नेपालले स्वर्ण पदक जितेको छ । गोकर्ण गल्फ रिसोर्टमा शुक्रबार भएको स्पर्धामा नेपालका शुक्रबहादुर राई, टंकबहादुर कार्की, सुभाष तामाङ र निरज तामाङ सम्मिलित टिमले स्वर्ण जितेको हो ।

नेपाली टोलीले कुल ८३८ अंक स्कोर गरेको थियो ।


यस स्पर्धामा बंगलादेशले रजत र श्रीलंकाले कास्य पदक जितेका छन् । बंगलादेशको टोलीले कुल ८५६ अंक स्कोर गरेको थियो भने श्रीलंकाली टोलीले कुल ८७८ अंक स्कोर गरेको थियो ।


नेपाली टोलीका सुभाष तामाङले व्यक्तिगत स्पर्धामा पनि स्वर्ण जितेका थिए ।

प्रकाशित : मंसिर २०, २०७६ १४:२९
प्रतिक्रिया
पठाउनुहोस्

नेपाली महिला क्रिकेट टिम श्रीलंकासँग पराजित, बंगलादेश र श्रीलंका फाइनलमा भिड्ने

दीपक परियार

पोखरा — श्रीलंका १३ औं दक्षिण एसियाली खलकुद अन्तर्गत महिला क्रिकेटको फाइनलमा प्रवेश गरेको छ । शुक्रबार भएको खेलमा श्रीलंकाले नेपाललाई ४१ रनले पराजित गर्दै फाइनलमा प्रवेश गरेको हो । फाइनलमा अब बंगलादेश र श्रीलंका भिड्ने भएका छन् । नेपालले कांस्यका लागि शनिबार माल्दिभ्ससँग प्रतिस्पर्धा गर्नेछ ।

पोखरा रंगशालामा टस जितेर ब्याटिङ गरेको श्रीलंकाले निर्धारित २० ओभरमा ७ विकेट गुमाउँदै ११८ रन बनाएको थियो ।

११९ रनको लक्ष्य पच्छ्याएर ब्याटिङमा आएको नेपाली टिमले २० ओभरमा ९ विकेट गुमाउँदै मात्रै ७७ रन पुरा बनायो ।

नेपालकी रुविना क्षत्री, अप्सरा बेगम, कविता कुँवर र करुणा भण्डारीले बाहेक अन्य खेलाडीले दोहोरो अंकको रन बटु्ल्न सकेनन् ।

नेपालका सिता रानामगर, इन्दु बर्मा र डली भट्ट शुन्यमै आउट भए ।

श्रीलंककी सचिन निशानसालाले ३ विकेट लिइन् भने सत्थ्य सन्दिपानीले ४ ओभर बलिङ गर्दै २ विकेट लिइन् भने १ मेडन ओभर राखेर जम्मा ५ रन खर्च गरिन् ।

पहिले ब्याटिङ गरेको श्रीलंकाको तर्फबाट लिहिनी अप्सराले सर्वाधिक ३७ रन बनाइन् भने जनादी अनालीले ३५ रन जोडिन् ।

नेपालको तर्फबाट सरस्वती कुमारी र सोनु खड्काले २/२ विकेट लिए ।

नेपालले ३ खेलमा १ जित र २ हार ब्यहोरेको छ । नेपाल अंक तालिकाको तेस्रो स्थानमा छ ।

प्रकाशित : मंसिर २०, २०७६ १४:०९
पूरा पढ्नुहोस्
प्रतिक्रिया
पठाउनुहोस्
×