श्रीलंकाको विस्फोटमा परी मृत्यु हुनेको संख्या २९० पुग्यो

बीबीसी

कोलम्बो — श्रीलंकामा आइतबार चर्च र होटलमा भएको शृंखलावद्ध विस्फोटमा परी मृत्यु हुनेको संख्या २९० पुगेको छ । अन्तर्राष्ट्रिय सञ्चारमाध्यमहरुका अनुसार करिव ५ सय जना घाइते छन् । प्रहरीका अनुसार विस्फोटमा दर्जनभन्दा बढी विदेशी नागरिकको मृत्यु भएको छ ।

प्रहरीले विस्फोटमा संलग्न भएको आशंकामा २४ जनालाई पक्राउ गरेको छ। तर अहिलेसम्म विस्फोट कसले गरायो भन्ने अज्ञात नै रहेको छ।

इसाई धर्मावलम्बीहरुले इस्टर पर्व मनाइरहेका बेला आइतबार चर्च र होटलमा शृंखलावद्ध विस्फोट गराइएको थियो।

आक्रमणपछि श्रीलंकामा लगाइएको कर्फ्यू सोमबार बिहानबाट हटाइएको छ। सामाजिक सञ्जालमा लगाइएको प्रतिबन्ध भने यथावत नै राखिएको छ।

श्रीलंकामा सन् २००९ मा २५ वर्षे लामो गृहयुद्ध सकिएपछि भएको यो सबैभन्दा ठूलो आक्रमण हो।

प्रकाशित : वैशाख ९, २०७६ ११:०८
प्रतिक्रिया
पठाउनुहोस्

नुवाकोटमा मनाइयाे सिन्दुरे जात्रा 

कृष्ण थापा

नुवाकोट — नुवाकोटको भैरवीथानमा सिन्दुरे जात्रा मनाइएको छ । राजप्रतिनिधि महेन्द्रकुमार शाहीले धामी र धमिनीलाई सिन्दुर छर्कने कार्य गरेपछि जात्रा सुरु भएको हो । राजा पृथ्वीनारायण शाह नुवाकोटमा विजयी भएको अवसरमा सिन्दुर जात्राको प्रचलन सुरु भएको राजप्रतिनिधि शाहीले बताए । विदुरनगरपालिका २ भैरवीथानमुनि धरपानीमा बाजागाजा र भैरवीको खटसहित कुमारीको उपस्थितिमा तान्त्रिक विधि अनुसार गुभाजुले धामी धमिनी, गणेशलाई विधिपूर्वक पूजा गरी गाजल लगाएका थिए ।

प्रकाशित : वैशाख ९, २०७६ १०:४५
पूरा पढ्नुहोस्
प्रतिक्रिया
पठाउनुहोस्