अर्थमन्त्री खतिवडाको २ वर्ष ६ महिना : ७ क्षेत्रका ४५ उपलब्धि- भिडियो - कान्तिपुर समाचार

अर्थमन्त्री खतिवडाको २ वर्ष ६ महिना : ७ क्षेत्रका ४५ उपलब्धि

कान्तिपुर संवाददाता

काठमाडौँ — परिणाम दिन नसकेको भन्दै पार्टीभित्र र बाहिर आलोचना खेपेका अर्थमन्त्री युवराज खतिवडाले राजीनामा दिनुअघि शुक्रबार मन्त्रिपरिषद् बैठकमा ७ क्षेत्रका ४५ उपलब्धि सुनाए । मन्त्रिपरिषद् स्रोतबाट प्राप्त उनको वक्तव्यमा ‘अर्थमन्त्रीको हैसियतमा जिम्मेवारी सम्हाल्दा अर्थतन्त्रका अधिकांश पक्ष कमजोर स्थितिमा रहेको’ उल्लेख छ ।

आयातमा आधारित राजस्व, विप्रेषणमा आधारित उपभोग चक्र, अनौपचारिक अर्थतन्त्रले राजस्वको दायरा संकुचित, बजेट प्रणाली र वित्तीय अनुशासनमा कमजोरी, मुलुकले धान्नै नसक्ने व्यापार घाटा, विदेशी मुद्रा सिञ्चितिमा चाप, शोधनान्तर स्थिति घाटा, निजी लगानीको वातावरण असहज, विकास सहायता र वैदेशिक परिचालनमा चुनौतीपूर्ण अवस्थामा आफूले जिम्मेवारी सम्हालेको उनको दाबी छ । यी क्षेत्रमा आफ्नो २ वर्ष ६ महिनाको कार्यकालमा सुधार भएको विवरण उनले मन्त्रिपरिषद् बैठकमा पढेर सुनाएका थिए ।

प्रकाशित : भाद्र २०, २०७७ १९:५७
प्रतिक्रिया
पठाउनुहोस्

चन्द समूहका नेता शर्मा प्रहरी नियन्त्रणमा

रमेशकुमार पौडेल

चितवन — प्रतिबन्धित नेत्र विक्रम चन्द समूहका केन्द्रीय नेता अनिल शर्मा विरहीलाई चितवन प्रहरीले शनिबार साँझ नियन्त्रणमा लिएको छ । शर्मालाई गएको वैशाखमा चितवन प्रहरीले उपचारको क्रममा भरतपुरको एक अस्पतालबाट नियन्त्रणमा लिएको थियो ।

चितवन जिल्ला अदालतले उनलाई जेठ १८ मा साधरण तारेखमा छाडेको थियो । त्यसपछि उनी भरतपुर अस्पतालमै उपचार गराइरहेका थिए ।

चितवन जिल्ला प्रहरी कार्यालयका प्रवक्ता रहेका प्रहरी नायब उपरीक्षक सूर्य थापाले धनुषा प्रहरीलाई बुझाउन शर्मालाई नियन्त्रणमा लिएको बताए ।

‘उहाँ विरुद्ध धनुषा प्रहरीमा पनि उजुरी रहेछ । धनुषा प्रहरीको आदेश अनुसार उतै पठाउनका लागि चितवन प्रहरीले उहाँलाई नियन्त्रणमा लिएको ह,’ डीएसपी थापाले भने ।

यसअघि लडेर ढाडमा चोट लागेका कारण उपचार गराउन आएका बेला बैशाख २३ मा चितवन प्रहरीले शर्मालाई गिरफ्तार गरेर राज्य विरुद्धको कसुरमा मुद्दा दायर गरेको थियो ।

प्रकाशित : भाद्र २०, २०७७ १९:३३
पूरा पढ्नुहोस्
प्रतिक्रिया
पठाउनुहोस्
×