चित्लाङ गएर कुदाउने हैन क्वाड बाइक ?

कान्तिपुर संवाददाता

काठमाडौँ — भम्रण वर्षमा सरकारले २० लाख पर्यटक ल्याउने लक्ष्य राखेको छ । नेपालमा आउने पर्यटकको पहिलो रोजाइ प्रकृति हुन्छ । यो पछि साहसिक गतिविधि उनीहरुको रोजाइमा पर्छन् ।

भम्रण वर्षलाई लक्षित गर्दै काठमाडौं नजिकैको चित्लाङका पर्यटन व्यवसायी शैलेश नेपालले थपेका छन्, क्वाड बाइक । अर्थात् अफरोड बाइक । संसारभर यो एटीभी (अल टेरेन भ्याकिल) का नाम पनि चर्चित छ ।

प्रकाशित : पुस २३, २०७६ १७:१४
ADVERTISEMENT
प्रतिक्रिया
पठाउनुहोस्
ADVERTISEMENT

शुक्रबारसम्म वर्षा र हिमपात 

कान्तिपुर संवाददाता

काठमाडौँ — पश्चिमी न्यून चापीय प्रणालीका कारण बुधबारदेखि देशभरकै मौसममा बदलाब आएको छ । जल तथा मौसम पूर्वानुमान महाशाखाकी मौसमविद् गंगा नगरकोटीले देशभरी वर्षा र उच्च पहाडी र हिमाली भागमा हिमपात भइरहेको जानकारी दिइन् । 

मुलुकको पश्चिम भाग हुँदै मौसमी प्रणाली भित्रिएको हो । दाङदेखि पश्चिमी भागमा भने बिहीबार बेलुकीदेखि नै मौसममा सुधार आउने महाशाखाको अनुमान छ । ‘काठमाडौंसहित मध्यभागका स्थान र पूर्वी भागहरुमा भने शुक्रबारदेखि सुधार आउनेछ’ नगरकोटीले कान्तिपुरसित भनिन्, ‘शनिबारदेखि देशैभर मौसममा सुधार आउनेछ ।’

हिउँदमा पश्चिमी क्षेत्रबाट भित्रिने न्यून चापीय प्रणालीका कारण मौसममा बदलाब आउने गरेको छ । यस्तो प्रणाली हिउँदमा ५ पटकसम्म भित्रिन्छ । अहिले भित्रिएको प्रणाली दोस्रो पटक हो ।

अर्को साता पनि यस्तो प्रणाली भित्रिने र मौसममा बदलाब आउने महाशाखाको अनुमान छ । मनसुन अवधिबाहेकको मौसमी प्रणाली पश्चिम वायुकै कारण भित्रिन्छ । मनसुन अवधिमा भने पूर्वी वायु सक्रिय हुन्छ ।

उच्च हिमाली भागमा बाक्लो हिमपात भएका कारण जनजीवन प्रभावित बनेको छ । वर्षाले बाली लगाउन सहज हुने भएकाले किसान भने हर्षित छन् ।

प्रकाशित : पुस २३, २०७६ १७:०९
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×