ट्विटरको विकल्प मानिएको 'मास्टोडन' प्रयोगकर्ता १० लाख नाघे- विज्ञान र प्रविधि - कान्तिपुर समाचार
कान्तिपुर वेबसाईट
AdvertisementAdvertisement

ट्विटरको विकल्प मानिएको 'मास्टोडन' प्रयोगकर्ता १० लाख नाघे

कान्तिपुर संवाददाता

काठमाडौँ — झट्ट हेर्दा कुनै भिडियो गेम जस्तो देखिने माइक्रो ब्लगिङ प्लेटफर्म 'मास्टोडन' ट्विटरको विकल्पको रुपमा प्रयोगकर्ताहरूको छनोटमा पर्न थालेको छ । इलन मस्कले ट्विटर किनेपछि मास्टोडनलाई विकल्पको रुपमा हेरिँदै आएको थियो ।

अक्टोबर २७ मा मस्कले ट्विटर किनेयता ५ लाख प्रयोगकर्ता थपिएको अन्तर्राष्ट्रिय सञ्चार माध्यमहरूले जनाएका छन् । ट्विटर जस्तै काम गर्ने भए पनि यसले गर्ने काम र सञ्चालनको विषयमा निकै अन्तर रहेको छ । यो ओपनसोर्स प्लेटफर्म हो । माइक्रो ब्लगिङ साइट एउटै पोस्टमा ११ हजार क्यारेक्टरसम्म प्रयोग गर्नसक्ने बनाइएको छ । जसलाई 'टूट' भनिन्छ ।

ट्विटर छाड्ने वा नयाँ विषयमा प्रयोग गर्न चाहानेहरुका लागि यो विकल्प मानिएको छ । यसलाई २०१६ मा जर्मनीका इगेन रोच्केले विकास गरेका हुन् । यो ट्विटर, फेसबुक वा इन्स्टाजस्तो एउटै कम्पनीको अधिनमा भने हुँदैन । जसले आफूलाई 'स्वतन्त्र, ओपन सोर्स विकेन्द्रित सामाजिक सञ्जाल' भएको जनाएको छ ।

यसको सर्भर र नियन्त्रण विकेन्द्रिकृत हुन्छ । यसको अर्थ कुनै पनि व्यक्ति वा संस्थाले सर्भर स्थापना गर्न सक्छ र युजरलाई प्रयोग गर्न दिनसक्छ । यस्तो सर्भरहरूको भौगोलिक क्षेत्र वा इच्छाएको विषय हुनसक्छ । तर एउटा विषय वा क्षेत्रमा रहेका प्रयोगकर्ताले अर्को सर्भरमा प्रयोगकर्तासँग पनि सम्पर्क गर्नसक्छन् ।

मास्टोडन दस हजार वर्षपहिले पृथ्वीबाट उन्मुलन भएको जनावर हो । स्नतधारी यो प्राणी हात्ती जस्तै रहेको ठानिन्छ ।

मस्कको नीतिले ट्विटरका प्रयोगकर्ता अन्य सञ्जालमा सर्ने सम्भावना

प्रकाशित : कार्तिक २७, २०७९ २१:३१
प्रतिक्रिया
पठाउनुहोस्

पोखरीमा डुबेर तीन भारतीय बालकको मृत्यु

मृत्यु हुनेमा दुई जना दाजुभाई हुन् ।
भरत जर्घामगर

सिरहा — सिरहाको मिर्चैयास्थित पोखरीमा डुबेर तीन जना भारतीय बालकको आइतबार साँझ मृत्यु भएको छ । मृत्यु हुनेमा २ जना दाजु-भाई हुन् ।

इलाका प्रहरी कार्यालय मिर्चैयाका अनुसार मिर्चैया नगरपालिका–१ स्थित जेके इट्टा उद्योगमा कार्यरत भारत विहार पुरनियाँ खरिन्चियाका खुर्सिद आलमका दुई छोरा १२ वर्षीय अली हसन, १० वर्षीय नवी हसन र जोगवनी निरगंजका नन्दलाल दासका १० वर्षीय छोरा नितेशको आइतबार साँझ पोखरीमा डुबेर मृत्यु भएको हो ।

इट्टा उद्योग नजिकै रहेको पोखरीमा पौडी खेल्ने क्रममा डुबेका अवस्थामा छोराहरूलाई देखेपछि खुर्सिदले तीनै जनालाई तत्काल निकाले पनि अली र नवीको घटनास्थलमै मृत्यु भइसकेको प्रहरीले जनाएको छ ।

अर्का बालक नितेशको स्थानीय अस्पतालमा उपचारको क्रममा मृत्यु भएको मिर्चैयाका प्रहरी प्रमुख डीएसपी हरि बहादुर वलीले जानकारी दिए । घटनाबारे प्रहरीले साँझ ६ बजे मात्र खबर पाएका थिए । तीनै जना बालकको शव पोष्टमार्टमका लागि लहानस्थित रामकुमार उमाप्रसाद स्मारक अस्पतालमा राखिएको छ । घटनाबारे अनुसन्धान भइरहेको प्रहरीले जनाएको छ ।


प्रकाशित : कार्तिक २७, २०७९ २१:०२
पूरा पढ्नुहोस्
प्रतिक्रिया
पठाउनुहोस्
x
×