आजकै दिन : आइफोन बिक्री सुरु
काठमाडौँ — सन् २००७ मा आजकै दिन (जुन २९) मा एप्पल कम्पनीले आइफोनको पहिलो मोडेलको बिक्री सुरु गरेको थियो । एप्पलका तत्कालीन सीईओ स्टिभ जब्सले २००७ को जनवरी ९ मा सार्वजनिक गरेको आइफोनको पहिलो मोडेलको बिक्री जुन २९ देखि सुरु भएको थियो ।
लामो समयको चर्चा र चासोबीच सुरु भएको आइफोनले स्मार्टफोनको बजारमा नयाँ उत्साह र रेकर्ड कायमसमेत गर्न सफल भयो । उक्त मोडेलको मूल्य ४ जीबीको ४ सय ९९ र ८ जीबीको ५९९ अमेरिकी डलर तोकिएको थियो । ३.५ इन्चको डिस्प्ले रहेको आइफोनको अपरेटिङ सिस्टम आइओएस ३.१.३ रहेको थियो । उक्त फोनमा
२ मेगापिक्सेलको एक मात्र क्यामेरा रहेको थियो ।
पहिलो मोडेल सार्वजनिक भएको एक वर्षपछि एप्पलले आइफोनको दोस्रो मोडेल बजारमा ल्याएको थियो । त्यसको नाम आइफोन थ्रीजी राखिएको थियो । थ्रीजी नेटवर्क सपोर्ट गर्ने फोनको मूल्य पहिलेको तुलनामा घटाइएको थियो ।
८ जीबी क्षमताको मोडेललाई १९९ र १९ जीबीलाई २९९ डलर तोकिएको थियो । आइफोनको डेढ दशकभन्दा लामो यात्रामा पछिल्लोपटक १४ औं मोडेल सार्वजनिक भइसकेको छ । यो अवधिमा एप्पलले निकै परिमार्जन र परिष्कृत गरेर आइफोनका अत्याधुनिक मोडेलहरू बजारमा ल्याइसकेको छ ।
प्रकाशित : असार १४, २०८० ०८:३७
