राष्ट्रिय यू–१३ फुटबलमा छनोट भएका एन्जल राई सम्मानित

अखिल नेपाल फुटबल संघ (एन्फा)ले देशका ९० खेलाडीमध्ये छनोट भएका राईलाई बुधबार सम्मान गरेको हो । दिक्तेल रूपाकोट मझुवागढी नगरपालिका–६ नेर्पा घर भई दिक्तेल बस्दै आएका राईलाई सम्मान गरिएको जिल्ला फुटबल संघ खोटाङका अध्यक्ष ध्रुवविक्रम राईले बताए । उनका अनुसार एन्जल धरानमा बसेर प्रशिक्षण लिने छन् ।

जिल्ला फुटबल संघ खोटाङ र खोटाङ फुटबल एकेडेमीले सञ्चालन गरेको ‘ग्रासरुट कार्यक्रम’ अन्तर्गत विगत तीन वर्षदेखि एन्जल प्रशिक्षणमा थिए । राईका अनुसार उनी नै जिल्लाको पहिलो राष्ट्रिय टिममा छनोटमा परेको खेलाडी हुन् ।