राष्ट्रिय तेक्वान्दो टोलीलाई चीनमा सफलता

कान्तिपुर संवाददाता

काठमाडौँ — १३ औं दक्षिण एसियाली खेलकुद (साग)का लागि वैदेशिक प्रशिक्षणमा रहेको राष्ट्रिय तेक्वान्दो टोलीले चीनमा आयोजित आधिकारिक अन्तर्राष्ट्रिय प्रतियोगितामा १ रजत र ५ कांस्य पदक जितेको छ ।

चाइना ओपन अन्तर्राष्ट्रिय तेक्वान्दो प्रतियोगिता विश्व तेक्वान्दो महासंघबाट मान्यताप्राप्त वरीयता निर्धारण गर्ने प्रतियोगिता हो।

बिहीबारदेखि सुरु प्रतियोगितामा नेपालले शुक्रबार ३ कांस्य जितेको थियो। अन्तिम दिन शनिबार १ रजतसहित २ कांस्य थपेको हो। नेपालका ज्ञानेन्द्र हमालले ६३ केजीमूनि तौल समूहमा रजत पदक जितेका हुन्। विश्व तेक्वान्दोको वरीयता निर्धारण गर्ने प्रतियोगितामा नेपाली खेलाडीले पाएको यो ठूलो सफलता हो।

ज्ञानेन्द्रले चोटका कारण चीनका खेलाडीसँगको फाइनल खेल खेल्न नसक्दा रजतमा चित्त बुझाउनुपरेको प्रशिक्षक दीपक विष्टले कान्तिपुरलाई बताए। ज्ञानेन्द्रले पहिलो खेल चिनियाँ, क्वार्टरफाइनलमा दक्षिण कोरियाली र सेमिफाइनलमा चिनियाँ प्रतिद्वन्द्वीलाई पराजित गरी फाइनलमा पुगेका हुन्।

महिला ७३ केजीमाथि तौल समूहमा निशा रावल र पुरुष ८७ केजीमूनि तौल समूहमा भूपेन्द्र श्रेष्ठले शनिबार कांस्य जितेका हुन्। पहिलो खेलमा बाइ पाएकी निशा सेमिफाइनलमा चिनकी खेलाडीसँग पराजित भइन्। भूपेन्द्रले पनि पहिलो खेल बाइ पाएका थिए। क्वार्टरफाइनलमा चिनियाँ खेलाडीलाई हराएका उनले पनि सेमिफाइनलमा चीनकै खेलाडीसँग पराजय बेहोरे।

शनिबार महिला ७३ केजीमूनिमा मनिता शाही, ६३ केजीमूनिमा अप्सरा कार्की, ६२ केजीमूनिमा संगीता बस्याल र पुरुष ८७ केजीमाथि तौल समूहका सक्षम कार्की भने पहिलो खेलमै पराजित भएका थिए।

प्रकाशित : कार्तिक २३, २०७६ १९:०९
ADVERTISEMENT
प्रतिक्रिया
पठाउनुहोस्
ADVERTISEMENT

तस्बिरमा हेर्नुहोस्, बालुवाटारमा नेताहरुको जमघट

तस्बिर : सन्जोग मानन्धर

काठमाडौँ — भारतले जारी गरेको नयाँ राजनीतिक नक्समा नेपाली भू-भाग समावेश गरेपछि सबै दलहरुबीच सामूहिक धारणा बनाउन प्रधानमन्त्री केपी शर्मा ओलीले सर्वदलीय बैठक बोलाएका छन् । बैठकमा सहभागी हुन नेकपाका अध्यक्ष पुष्पकमल दाहाल,नेपाली कांग्रेसका सभापति शेरबहादुर देउवा,पूर्वप्रधानमन्त्रीहरु माधवकुमार नेपाल,झलनाथ खनाल,बाबुराम भट्टराई, संघीय समाजवादी,राजपाका लगायत अन्य दलका शीर्ष नेताको उपस्थिति छ । 

प्रकाशित : कार्तिक २३, २०७६ १७:२३
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT