विमल प्लेइङ ११ मा

विमललाई अस्ट्रेलियासँगको खेलमा पहिलो रोजाईमा राखिएको थिएन । उनी दोस्रो हाफमा मात्र मैदानमा आएका थिए । विमललाई अभिषेक रिजालको स्थानमा ल्याइएको छ ।

विमलसँगै नेपाली टोलीमा सन्तोष तामाङ र सुमन अर्याललाई राखिएको छ । मिडफिल्डर सन्तोषलाई घाइते विशाल राई र सुमनलाई रञ्जित धिमालको स्थानमा ल्याइएको छ । नेपाल ४-५-१ को रणनिति अनुसार खेल्ने छ ।

नेपाल अस्ट्रेलियासँग विश्वकप छनोटको पछिल्लो खेलमा ५-० ले पराजित भएको थियो । जोर्डनले कुवेतसँग भने गोलरहित बराबरी नतिजा मात्र निकाल्न सकेको थियो ।

नेपाल पछिल्लो पटक अम्मन आउँदा २०११ मा विश्वकप छनोटमा जोर्डनसँग ९-० ले पराजित भएको थियो ।

नेपाली टोली : किरण चेम्जोड (कप्तान, गोलरक्षक), अनन्त तामाङ, दिनेश राजवंशी, सुमन अर्याल, देवेन्द्र तामाङ, अन्जन विष्ट, सुजल श्रेष्ठ, रोहित चन्द, सन्तोष तामाङ, रविशंकर पासवान, विमल घर्तिमगर ।