इटाली छनोट भयो
पेरिस — इटालीले शनिबार युरो २०२० मा छनोट यात्रा निश्चित गरेको छ । उसले आफ्नो समूह जे मा शतप्रतिशत जित कायम राख्दै ग्रिसलाई २–० ले हरायो । छनोटमा इटालीको यो लगातार सातौं जित हो ।
चेल्सीका मिडफिल्डर जोरजिन्होले पेनाल्टीबाट ६३ औं मिनेटमा पहिलो गोल गरे । त्यसयता युभेन्ट्सका फरवार्ड फेडरिको बेरनाडेसचीले ७८ औं मिनेटमा दोस्रो गोल थपे । छनोटका तीन खेल अगाडि नै २१ अंकसहित रोबर्टो मानचिनीको टिम छनोट भएको हो ।
चार पल्टको विश्व च्याम्पियन इटाल िसन् २०१८ को विश्वकपमा छनोट हुन असफल रहेको थियो । यसअघि जोसु किङ्गले ९४ औं मिनेटमा पेनाल्टीबाट गोल गरेपछि नर्वेले तीन पल्टको च्याम्पियनलाई नाटकीय रूपमा १–१ को बराबरीमा रोकेको छ ।
यो नतिजापछि स्पेनले छनोट निश्चित गर्न अझै कुर्नु पर्नेछ ।
प्रकाशित : आश्विन २६, २०७६ ०८:५९प्रतिक्रिया
