अफगानिस्तानको उत्तरी प्रान्त कुन्दुजको साहिब जिल्लामा सेना र तालिबान विद्रोहीबीच भएको झडपमा १२ जनाको मृत्य भएको छ । मृत्यु हुनेमा सात जना सैनिक छन् ।

कोलकाता नाइट राइडर्सले आइतबार इन्डियन प्रिमियर लिगमा (आईपीएल) मा सनराइजर्स हैदरावादलाई सुपर ओभरमा हराएको छ । त्यसमा कोलकाताले ३ रनको लक्ष्य पूरा गरेको थियो ।

रोयल च्यालेन्जर्स बेंगलोरले शनिबार इन्डियन प्रिमियर लिगमा राजस्थानलाई ७ विकेटले हराएको छ । बेंगलोरको यो छैटौं जित हो र १२ अंकसहित तेस्रो स्थानमा रह्यो । जितले उसको प्ले अफ खेल्ने सम्भावना बढेको छ ।

थाइल्यान्डको पूर्वी क्षेत्रमा एउटा यात्रुवाहक बस रेलसँग जुध्दा कम्तीमा १८ जनाको मृत्यु भएको छ । घटनामा कम्तीमा १२ जना घाइते भएका अधिकारीहरूले जनाएका छन् ।

अफगानिस्तानको सार ए साफा जिल्लामा तालिवान विद्रोहीले गरेका विभिन्न आक्रमणमा दस सुरक्षाकर्मीको ज्यान गएको छ । मृत्यु हुनेमा ६ प्रहरी र ४ जना सैनिक छन् ।

चिनियाँ राष्ट्रपति सी चिनफिङका आलोचक तथा पूर्वघरजग्गा व्यवसायी रेन सिचियाङलाई भ्रष्टाचार अभियोगमा १८ वर्षको जेल सजाय सुनाइएको छ ।

टोटनहमले इंग्लिस प्रिमियर लिगमा आइतबार यो सिजनको पहिलो जित निकालेको छ ।दक्षिण कोरियाली खेलाडी ह्वेङ–मिन सनको ४ गोलको मद्दतले टोटनहमले साउथह्याम्पटनलाई ५–२ ले हरायो ।

इंग्लिस प्रिमियर लिगमा एभरटनले शनिबार शानदार जित निकालेको छ । गुडसन पार्कका भएको खेलमा उसले १० खेलाडीमा सीमित वेस्ट ब्रुमलाई ५–२ ले हरायो । कार्लो एन्सेलोटी टिमको यो लगातार दोस्रो जित हो । 

बेलायतको बर्मिङ्घम सहरमा चक्कु प्रहारका कारण १ जनाको मृत्यु भएको छ । आक्रमणमा ७ जना घाइते भएका प्रहरीले जनाएको छ । घाइतेमध्ये दुईको अवस्था गम्भीर छ ।

कोरोना भाइरसको महामारी नियन्त्रणका लागि लगाइएको प्रतिबन्धविरुद्ध जर्मनीमा गरिएको प्रदर्शनमा सयौं पक्राउ परेका छन् ।