विश्वकप २०२२ छनोट : नेपाली टिम अस्ट्रेलियाविरुद्ध ५-० ले पराजित

राजु घिसिङ

काठमाडौँ — नेपाली टिमले विश्वकप २०२२ छनोटमा बिहीबार एसियाली महारथी अस्ट्रेलियाविरुद्ध क्यानबेरामा ५-० को हार बेहोरेको छ । जेमी म्याक्लारेनको ह्याट्रिकसँगै घरेलु टिमले सहजै ३ अंक जोडेको हो ।

ZenTravel

जीआईओ रंगशालामा सुरुबाटै आक्रामक देखिएको घरेलु टिम अस्ट्रेलियालाई म्याक्लारेनले छैटौं मिनेटमै गोल गर्दै अग्रता दिलाए। उनले किरण चेम्जोङले नियन्त्रण गर्न नसकेको र नेपाली डिफेन्सले सतर्क नरहेको अवस्थामा बललाई पोष्टको दिशा दिएका थिए। मेलबर्न सिटी एफसीका यी फरवार्डले १९ औं मिनेटमा दोस्रो गोल गरे। उनले रायन ग्रान्टले उपलब्ध गराएको बललाई हेडद्वारा पोष्टको दिशा दिए। उनले ९० औं मिनेटमा ह्याट्रिक पूरा गरे।

Meroghar

अन्तर्राष्ट्रिय खेलमा डेब्यू गरेकै खेलमा डिफेन्डर साउटरले कर्नरमा पाएको बललाई २३ औं मिनेटमा हेडद्वारा पोष्टको दिशा दिँदै गोलको खाता खोल्दै अस्ट्रेलियालाई ३-० को अग्रता दिलाए। उनले ५९ औं मिनेटमा प्रहार गरेको बल नेपाली डिफेन्डर दिनेश राजवंशीमा डिफ्लेक्ट हुँदै जाली चुम्न पुगेको थियो। जसलाई दिनेशको आत्मघाती गोल दिइयो ।

करिब २० हजार दर्शक उपस्थित रंगशालामा भएको खेलमानेपाली टिमले बल्ल ४१ औं मिनेटमा आएर बललाई गोलकिपरसम्म पुर्‍यायो। नेपालका सबै खेलाडी डिफेन्समै व्यस्त देखिए। शारीरिक, कौशल लगायत सबै हिसाबले अस्ट्रेलिया बलियो देखियो। ५५ मिनेट मोयको क्रसमा गुडविनको हेडरमा गोलकिपर किरणले राम्रो बचाउ गरेका थिए।

एसियन कप २०२३ छनोटको रुपमा पनि रहेको यस विश्वकप छनोटको ३ खेलमा नेपालले दोस्रो हार बेहोरेको हो। पहिलो खेलमा कुवेतविरुद्ध ७-० को अनपेक्षित हार बेहारेको नेपालले त्यसको ५ दिनपछि ताइवानमा भने २-० को जित निकालेको थियो।

अब १५ अक्टोबरमा नेपालले अम्मानमा जोर्डनविरुद्ध खेल्नेछ। फिफा वरीयतामा नेपालभन्दा ११७ स्थानमाथिको अस्ट्रेलियाले भने दुई खेलमा शतप्रतिशत जित निकाल्दै अर्को चरणको प्रवेशको संभावना बलियो बनाएको छ।

नेपाली टिम

गोलकिपर : किरण चेम्जोङ
डिफेन्स : दिनेश राजवंशी, अनन्त तामाङ, देवेन्द्र तामाङ, रन्जित धिमाल
मिडिफिल्ड : रवि पासवान, रोहित चन्द, विशाल राई (८६ मिनेट : सन्तोष तामाङ), अन्जान विष्ट (७९ मिनेट : तेज तामाङ), सुजल श्रेष्ठ
फरवार्ड : अभिषेक रिजाल ( ६६ मिनेट : विमल घर्तीमगर)
.....................

नेपाली टिम विश्वकप २०२२ छनोटअन्तर्गत् क्यानबेरामा अस्ट्रेलियाविरुद्ध भइरहेको खेलको पहिलो हाफमा ३-० ले पछाडि परेको छ। जीआईओ रंगशालामा सुरुबाटै आक्रामक देखिएको घरेलु टिम अस्ट्रेलियाले जेमी म्याक्लारेनले छैटौं मिनेटमै गोल गर्दै अग्रता दिलाए। उनले किरण चेम्जोङले नियन्त्रण गर्न नसकेको र नेपाली डिफेन्सले सतर्क नरहेको अवस्थामा बललाई पोष्टको दिशा दिएका थिए।

मेलबर्न सिटी एफसीका फरवार्ड म्याक्लारेनले १९ औं मिनेटमा दोस्रो गोल गरे। उनले रायन ग्रान्टले उपलब्ध गराएको बललाई हेडद्वारा पोस्टको दिशा दिए। अन्तर्राष्ट्रिय खेलमा डेब्यू गरेकै खेलमा डिफेन्डर साउटरले पनि गोलको खाता खोल्न भ्याए। उनले कर्नरमा पाएको बललाई २३ औं मिनेटमा हेडद्वारा गोल गर्दै अस्ट्रेलियालाई ३-० को अग्रता दिलाए।

नेपाली टिमले बल्ल ४१ औं मिनेटमा आएर बललाई गोलकिपरसम्म पुर्यायो। नेपालका सबै खेलाडी डिफेन्समै व्यस्त देखिए। शारीरिक, कौशललगायत सबै हिसाबले अस्ट्रेलिया बलियो देखियो।

प्रकाशित : आश्विन २३, २०७६ १५:४७
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

हिरासतमा रहेका महरा रक्तचाप बढेपछि स्वास्थ्य परिक्षणका लागि नर्भिक अस्पतालमा, भर्ना गर्ने/नगर्ने टुंगो नभएको प्रहरीको भनाई

प्रहरी भन्छ- 'भर्ना गर्ने/नगर्ने बारे टुंगो लागेको छैन'
कान्तिपुर संवाददाता

काठमाडौँ — संसद् सचिवालयमा कार्यरत स्वास्थ्यकर्मी (कर्मचारी) रोशनी शाहीमाथि बलात्कार प्रयास गरेको आरोपमा गत आइतबार पक्राउ परेका निवर्तमान सभामुख कृष्णबहादुर महरालाई उच्च रक्तचाप र मुटुको नियमित स्वास्थ्य परिक्षणका लागि थापाथलीस्थित नर्भिक अन्तर्राष्ट्रिय अस्पतालमा लगिएको छ ।

महानगरीय प्रहरी परिसरका प्रवक्ता डीएसपी होबिन्द्र बोगटीका अनुसार महरालाई अहिले नियमित परिक्षणका लागि मात्रै अस्पताल लगिएको हो। 'उहाँले पहिल्यै देखि नर्भिकमै परिक्षण गराउँदै आउनुभएको रहेछ। त्यसैले उहाँलाई यहाँ ल्याइएको हो,' उनले भने, 'उहाँमा उच्च रक्तचाप र मुटुको समस्या रहेछ। चिकित्सले परिक्षण पछि भर्ना गर्न पर्ने वा नपर्ने बताएपछि मात्रै केही भन्न सकिन्छ। अहिले उहाँको स्वास्थ्य परिक्षण भइरहेको छ।'

महराको पक्राउ परेको दिनदेखि नै रक्तचाप अनियन्त्रित भएको थियो भने स्वासप्रस्वासमा पनि केही समस्यादेखिएको थियो। त्यसपछि हिरासतमै उनलाई अक्सिजन दिने व्यवस्था प्रहरीले मिलाएको थियो।

महानगरीय प्रहरी वृत्त बानेश्वरको टोलीले निवर्तमान सभामुख कृष्णबहादुर महरालाई सभामुख निवास बालुवाटारबाट नियन्त्रणमा लिएको थियो। यौन दुर्व्यवहारको आरोप लागेपछि गत सोमबार राजीनामा दिएका निवर्तमान सभामुख कृष्णबहादुर महरालाई पक्राउ गर्न काठमाडौं जिल्ला अदालतले आइतबार पक्राउपूर्जि जारी गरेको थियो।

संसद् सचिवालयमा कार्यरत स्वास्थ्यकर्मी (कर्मचारी) रोशनी शाहीले शनिबार महानगरीय प्रहरी वृत्त बानेश्वरमा आफूमाथि महराले बलात्कार प्रयास गरेको भन्दै किटानी जाहेरी दिएपछि महरालाई पक्राउ गरेर अनुसन्धान अघि बढाउन प्रहरीलाई बाटो खुलेको हो। प्रहरीले गत शुक्रबार नै पीडित महिलाको स्वास्थ्य परिक्षण गराइसकेको छ भने उनको कोठाबाट प्राप्त प्रमाणहरुको पनि फोरेन्सिक जाँच गरिसकेको छ।

प्रकाशित : आश्विन २३, २०७६ १४:५२
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×