नेक्सस र ग्रेटर हिमालयन विजयी

राष्ट्रिय खेलकुद परिषद्को समन्वयमा नेक्सस क्रिकेट एकेडेमीको आयोजनामा मुलपानी क्रिकेट मैदानमा शनिबार सुरु स्पर्धामा टस हारेर ब्याटिङ गरेको नेक्ससले निर्धारित १५ ओभरमा ५ विकेट गुमाई १ सय ४५ रन बनायो । लोकेश बमले ३६ बलमा ४ छक्का र ६ चौकासहित ६७, कप्तान हिमांशु शाहीले २० बलमा ३ छक्का र ४ चौका प्रहार गर्दै ४६ र दीपक तितुङले २ छक्का मदतमा १५ रन बनाए । हिमालयनका सन्दीप खड्काले ३, खडक बोहराले २ र गजेन्द्र बोहराले १ विकेट लिए ।

हिमालयनले ६ विकेट गुमाएर १ सय ३५ रनमात्र बनाउन सक्यो । दीपक बोहराले २२ बलमा ७ छक्कासहित ५४, दीपेन्द्र बोहराले ४० बलमा ४ छक्का २ चौकासहित ५२ रन बनाए । नेक्ससका आकाश चन्दले २ तथा क्रिस कार्की र सुवास बिकले १–१ विकेट लिए । म्यान अफ द म्याच आकाश चन्द भए ।

दोस्रो खेलमा टस जितेको ग्रेटर हिमालयन १९.५ ओभरमा १ सय ५ रनमा अलआउट भयो । प्रवेश खड्काले ३२, विवेक यादवले २५ र विशाल खत्रीले १७ रन बनाए । केसीटीसीका हेमन्त धामी, सूर्या तामाङ र तिलक भण्डारीले २–२, अर्जुन गिरी र विपिन आचार्यले १–१ विकेट लिए । अर्जुन गिरीले २९ र विपिन आचार्यले १९ रन बनाए पनि केसीटीसीलाई जिताउन सकेनन् । म्यान अफ द म्याच ग्रेटरका विवेकसहित विज्ञानराज गौतमले ३–३, सोनु देवकोटाले २ र अभिषेक बस्नेतले १ विकेट लिए ।