लामो यात्राको उपलब्धि

रोयटर्स

(मोनाको) — लिभरपुलका डच डिफेन्डर भर्जिल भान डाइकले जिते युरोपेली फुटबल महासंघको पुरुषतर्फको उत्कृष्ट खेलाडी अवार्ड । युरोपेली च्याम्पियन्स लिग विजेता खेलाडीले नै यो अवार्ड जित्ने अपेक्षा गरिएको थियो, यसअघि यही अवार्ड जित्दै आएका क्रिस्टियानो रोनाल्डो र लियोनल मेसीलाई उछिनेर । अन्ततः डिफेन्डरका रूपमा यो प्रतिष्ठित अवार्ड जित्ने उनी पहिलो पनि हुन् ।

सन् २०१० देखि सुरु भएको यो अवार्ड पालैपालो रोनाल्डो र मेसीले पाँचपल्ट जितेका छन् । लिभरपुल आएयता २८ वर्षीय नेदरल्यान्ड्सका सेन्ट्रल ब्याकले टिमको पूरा डिफेन्सलाई नै परिवर्तन गरेर निकै बलियो बनाएका छन् । उनी सन् २०१८ मा साउथह्याम्पटनबाट लिरभपुल आएका थिए, कीर्तिमान ९ करोड २० लाख डलरमा । उनको खेलको सबैभन्दा ठूलो विशेषता छ, शारीरिक रूपमा निकै बलियो र त्यसलाई सुहाउँदो खेल पढ्न सक्ने खुबी । आफ्नो घरमा ग्रोनिगनबाट खेलजीवन सुरु गरेका भान डाइकले प्रिमियर लिगमा आउनु अगाडि सेल्टिकबाट खेले । गत सिजन उनकै महत्त्वपूर्ण योगदानका कारण लिभरपुलले युरोपेली च्याम्पियन्स लिग जितेको थियो, फाइनलमा टोटेनहमलाई हराएर ।


त्यो खेलमा लिभरपुल २–० ले विजयी रहेको थियो । उनकै कारण लिभरपुल कीर्तिमान अंकसहित लिगको दोस्रो स्थानमा पनि रह्यो । ‘मैले निकै लामो यात्रा तय गरेको छु यहाँसम्म पुग्न । यही यात्राले नै मलाई त्यो खेलाडी बनायो, जुन म अहिले छु । मैले यस्तो हुन खुबै मिहिनेत पनि गरेको छु । म त्यस्तो खेलाडी होइन, जसले १८ वर्षको उमेरमै सिधै ठूलो सफलता चाख्न सक्यो,’ भान डाइक भन्छन् । भान डाइककै भाषामा उनले यसका लागि साँच्चै निकै संघर्ष र कडा मिहिनेत गर्नुपर्‍यो । यो रातारात तयार भएको सफलता र उपलब्धि होइन । यस्तोमा उनी निकै खुसी पनि छन् । भन्छन्, ‘मैले अपार खुसीको अनुभव गरेको छु र यसमा गर्व छ । यहाँसम्म पुग्न जे जतिले मलाई सहयोग गरेका छन्, ती सबैलाई धन्यवाद पनि दिन चाहन्छु ।’


उनले यसअघि च्याम्पियन्स लिगको उत्कृष्ट डिफेन्डरको अवार्ड पनि जितेका थिए । ‘साथीहरूको सहयोगविना म यहाँसम्म पुग्न सक्ने अवस्था पनि थिएन,’ उनले थपेका छन् । पछिल्ला आठ संस्करणमा अवार्ड कार्यक्रममा यस्तै उपलब्धि हात पार्ने अरू खेलाडीमा सन् २०१२ आन्द्रेज इनिस्टा, सन् २०१३ मा फ्रान्क रिबेरी र सन् २०१८ मा लुका मोड्रिच छन् ।


पछिल्लो एक दशकमा यो अवार्डमा खाली रोनाल्डो वा मेसीकै प्रभुत्व रह्यो । अब दुवैले एउटै घरेलु लिग खेल्न नपरेको हुनाले पनि यी दुई ठूला स्टारबीचको सिधा प्रतिद्वन्द्विता कम भएको छ । ‘हामी दुवैका लागि गत सिजन विशेष रह्यो,’ रोनाल्डोले भने, ‘अझै पनि हामीबीच राम्रो सम्बन्ध छ । हामीले पछिल्लो एक दशकभन्दा बढी समय पालैपालो यो अवार्ड जितेका छौं । त्यसैले इतिहाससँग आवद्ध हुनु हामी दुवैका लागि उपलब्धि नै हो ।’


युरोपेली च्याम्पियन्स लिग विजेता लिभरपुलका डिफेन्डर भर्जिल भान डाइकले युरोपियन वर्ष खेलाडीको उपाधि जितेका छन् ।

तस्बिर : एएफपी

प्रकाशित : भाद्र १४, २०७६ ०९:१०
प्रतिक्रिया
पठाउनुहोस्
ADVERTISEMENT

फार्मेसी परिषद् एउटै कोठामा 

फातिमा बानु

काठमाडौँ — रंग खुइलिएर मक्किएको भित्ता । भुइँभरि छरिएका कागजपत्र र फाइल कोचिएका पेटी । महत्त्वपूर्ण रेर्कड फाइल थन्काएको काठका दराज खुल्लै । एउटै कोठमा कर्मचारी र पदाधिकारीको कार्यकक्ष । राजधानीको बानेश्वरस्थित सरकारी स्वामित्वको नेपाल फार्मेसी काउन्सिलको कार्यालयको अवस्था हो, यो ।

१८ वर्षे स्थापनाकालदेखि काउन्सिल एक कोठामा सञ्चालित छ । पर्याप्त बजेट र योजना हुँदाहुँदै पनि भवन बन्न नसक्दा साँघुरो कोठाबाट सेवा दिन बाध्य हुनुपरेको काउन्सिलका अध्यक्ष केशवध्वज जोशीले बताए । ‘पदाधिकारी बस्नका लागि एउटै कोठालाई बारेर साना कोठाजस्तो बनाएका छौं,’ उनले भने, ‘प्रशासनिक कामदेखि बैठक बस्ने काम यहीँ हुन्छ ।’ आफ्नै भवन नहुँदा काउन्सिल औषधि प्रयोगशालाको भवनमा रहेको एउटा कोठाबाट चलिरहेको छ ।

देशभरिका करिब लाइसेन्सप्राप्त १२ हजार फार्मासिस्ट, बर्सेनि करिब ३ हजारको संख्यामा उत्पादन हुने यस्तै जनशक्ति र ५ दर्जन फार्मेसी शिक्षण संस्था नियमन तथा नियन्त्रण गर्ने संस्थाको वर्तमान स्थिति यस्तो छ ।
टेबलकुर्सी र कम्प्युटर खरिद गर्ने आर्थिक हैसियत भए पनि भवन अभावका कारण थोरै पूर्वाधारमा काम चलाउन बाध्य छन्, कर्मचारी । दैनिक करिब एक सय सेवाग्राही ठोकिने यो संस्थामा सेवाग्राहीका लागि बस्ने ठाउँ छैन । पानीमा रुझेर, घाममा सेकिएर उनीहरू लामो लाइन बसिरहेका हुन्छन् । फार्मासिस्टको लाइसेन्स परीक्षा नजिकिँदै गर्दा सेवाग्राहीको यस्तो सास्ती झन् बढेकोमा अध्यक्ष जोशी थप चिन्तित छन् । भवन निर्माणका लागि स्वास्थ्य मन्त्रालयले स्वीकृतिसमेत दिइसकेको छ ।

एक वर्षदेखि रजिस्टार छैनन्
भवन अभावले त काउन्सिललाई कमजोर बनाएको नै छ । जनशक्ति न्यून हुँदा यसको पीडा थप दयनीय बन्न पुगेको छ । काउन्सिलमा रजिस्टार नभएको एक वर्ष दिन नाघिसक्यो । तत्कालीन रजिस्टार पानबहादुर क्षेत्रीले राजीनामा दिएपछि संस्था रजिस्टारविहीन बन्न पुगेको हो । रजिस्टार नहुँदा दैनिक तथा प्रशासनिक कामकारबाहीमा प्रत्यक्ष असर परेको बताउँदै काउन्सिलका प्रशासनिक अधिकृत सञ्जीव पाण्डेले भने ।

प्रकाशित : भाद्र १४, २०७६ ०९:०२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×