जिल्लास्तरीय खुल्ला ब्याडमिन्टनमा कुमार पुनको जोडी प्रथम

नारायण शर्मा

(नवलपरासी) — नवौं जिल्लास्तरीय खुल्ला ब्याडमिन्टन प्रतियोगिताको फाइनलमा कावासोतीका कुमार पुन र दिपेन्द्र ढकालको जोडी प्रथम भएको छ । भेट्रान्सतर्फ उनीहरुको जोडीले २, १ सेट अन्तरले कावासोतीकै विष्णु श्रेष्ठ र सुरवीर स्थापितलाई पराजित गरेको हो । 

भेँडाबारीमा भएको प्रतियोगतामा मेन्स डबलतर्फ कावासोतीका नवराज क्षत्री र सन्तोष श्रेष्ठ विजयी भए । उनीहरुको जोडीले भेँडाबारीका दया सापकोटा र बिकल राजभण्डारीको जोडीलाई सोझो सेटमा पराजित गर्‍यो । विजयी टिमले नगद ६ हजार शिल्ड र प्रमाणपत्र पाएका छन् ।

मेन्स डबल र भेट्रान्सलाई खेलाइएको नवलपुर जिल्लास्तरीय ब्याडमिन्टन प्रतियोगितामा ४९ टिमले प्रतिस्पर्धा गरेका थिए । जिल्ला ब्याडमिन्टन संघ र गैंडाकोट ब्याडमिन्टन क्लबको आयोजनामा भएको खेल भेडाबारी ब्याडमिन्टन क्लबमा आयोजना गरिएको थियो । प्रतियोगिताको गैंडाकोटका मेयर छत्रराज पौडेलले एक समारोहबीच उद्घाटन गरेका थिए । भेँडाबारीमा २ वटा कोर्ट रहेको सुविधासम्पन्न ब्याडमिन्टन हल छ ।

प्रकाशित : भाद्र ७, २०७६ १७:१५
ADVERTISEMENT
प्रतिक्रिया
पठाउनुहोस्
ADVERTISEMENT

इबोलाबाट कंगोमा एक हजार ९ सय ६५ जनाको मृत्यु

सिन्ह्वा

जेनेभा — विश्व स्वास्थ्य संगठन (डब्लूएचओ) ले प्राणघातक इबोला रोगका कारण अफ्रिकी मुलुक कंगोमा एक हजार ९ सय ६५ जनाको मृत्यु भएको जनाएको छ । संगठनले पछिल्ला १० सातामा इबोलाको संक्रमण स्थिर रहेको पनि स्पष्ट गरेको छ ।

डब्लूएचओका स्वास्थ्य कार्यक्रमका कार्यकारी निर्देशक डा माइक रायनले मध्य जुनसम्म झण्डै ८० जना नयाँ रोगी फेला परेको बताए । उनले पछिल्ला दुई तीन सातादेखि नयाँ संक्रमित बिरामीको संख्या घट्दै गएको बताए । उनले भने, “यो प्रवृत्तिमा निरन्तर कमी आउने अपेक्षा गरिएको छ ।”

डब्लूएचओले यस रोगसँग जुध्न ६ सय ७० जनाभन्दा बढी कर्मचारी कंगोमा खटाएको छ ।

उनले भने, “केही क्षेत्रमा हामीले राम्रै प्रगति गरेका छौं । हामीसँग खोप पनि उपलब्ध छ । निगरानी र खोपका कारण यो रोग तिब्र गतिमा अहिले फैलिन पाएको छैन ।”

कंगोमा यो रोग सबैभन्दा बढी घातक मानिएको छ । पछिल्लो समय कंगोको उत्तरी शहर मम्बासामा यो रोग देखिएकाले सबैलाई चिन्तित बनाएको डब्लूएचओले जनाएको छ ।

प्रकाशित : भाद्र ७, २०७६ १७:१०
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT