युनाइडेट गोल्डकप भदौ पहिलो साताबाट
नवलपरासी — ३५औँ संस्करणको युनाइडेट गोल्डकप भदौ पहिलो साताबाट हुने भएको छ । युनाइटेड युवा क्लब झयालबासले आयोजना गर्दै आएको यो प्रतियोगितामा विजयी हुने टिमले नगद २ लाख रुपैयाँ पुरस्कार पाउनेछन् ।
यो पुरस्कार राशी जिल्लाकै सर्वाधिक पुरस्कार राशी हो ।
२० वटा टिमको सहभागिता रहने यो प्रतियोगिताको उपविजेताले नगद एक लाख २५ हजार रुपैयाँ पाउने आयोजक क्लबका अध्यक्ष हरि थापाले बताए ।
झयालबासस्थित संस्कृत उच्चमाविको प्रांगणमा आयोजना हुने उक्त प्रतियोगिताको अन्तिम खेल असोज २ गते हुनेछ ।
प्रकाशित : श्रावण २६, २०७६ १७:५४प्रतिक्रिया