म्यानचेस्टर सिटीको ऐतिहासिक सफलता
लन्डन — म्यानचेस्टर सिटीले शनिबार राति ऐतिहासिक सफलता चुम्दै इंग्लिस फुटबल इतिहासमा एकै सिजन तीन घरेलु उपाधि जित्ने पहिलो टिम भएको छ ।
पेप ग्वार्डिओलाको सिटिीले वेम्बलीमा भएको एफएकप फाइनलमा वाटफोर्डलाई ६-० ले हरायो । फेब्रवरीमा लिगकप जितेको सिटीले प्रिमियर लिगको उपाधि पनि सफलतापूर्वक रक्षा गरेको थियो ।
सिटीले सिजनको सुरुका कम्युनिटी सिल्ड पनि जितेको थियो । वाटफोर्डलाई हराउने क्रममा सिटीले प्रतियोगिताकै इतिहासमा सर्वाधिक ठूलो अन्तरको फाइनल जितलाई पनि बराबरी गरेको छ ।
फाइनलमा डेविड सिल्भाले सुरुआती अग्रता दिलाएयता ग्याब्रिएल जेसस र रहिम स्टर्लिङले दुई दुई गोल गरे । यस्तै केभिन डे ब्रुनको नाममा पनि एक गोल रह्यो ।
प्रकाशित : जेष्ठ ५, २०७६ ०७:२९प्रतिक्रिया