डीपीएल : काठमाडौंले दोस्रो क्वालिफायर खेल्न अस्विकार गरेपछि महेन्द्रनगर फाइनलमा [भिडियो]

कान्तिपुर संवाददाता

धनगढी — काठमाडौं गोल्डेन्सले रुस्लान धनगढी प्रिमियर लिग (डीपीएल) क्रिकेटको शुक्रबार हुन लागेको दोस्रो क्वालिफायर्स खेल खेल्न अस्विकार (रिफ्युज टु प्ले) गरेपछि महेन्द्रनगर फाइनलमा प्रवेश गरेको छ ।

काठमाडौंले आफ्नो खेलाडीलाई कारबाही गरेको भन्दै डीपीएल क्रिकेटको शुक्रबार हुने दोस्रो क्वालिफायर्स खेल काठमाडौं गोल्डेन्सले बहिस्कार गरेको थियो ।

शनिबार महेन्द्रनगरले सीवाइसी अत्तरियासँग फाइनल खेल्ने छ ।

काठमाडौंका म्यानेजर सञ्जय श्रेष्ठले आफ्नो ठोलीले नखेल्ने निर्णय गरेको बताए । उनले भने 'सुरुदेखि नै आयोजकले आइसीसीको नियम फलो गरेका छैनन् । मैदानको अवस्था पनि राम्रो छैन । फेरि हामी यो फ्रेन्चाइज लिग खेलेर आइसीसीइको अन्य खेल खेल्न जाने पनि होइन ।'


फाइनलमा प्रवेश गरेपछि प्रतिक्रिया दिँदै महेन्द्रनगरका कप्तान :

बिहीबार काठमाडौंका विदेशी खेलाडी अंकित दबासलाई बलिङ गर्न प्रतिबन्ध लगाइएको थियो । काठमाडौं गोल्डेन्सले खेलेका २ खेलमा दबासको बलिङ मैदानमा रहेका अम्पायरहरुले शंकास्पद पाएको आयोजकले जनाएको थियो।

प्रतियोगिताको प्राविधिक समितिले भिडियो विश्लेषण गर्दा उनको बलिङ अनाधिकृत रहेको ठहर गरेको थियो । काठमाडौंले जितेका तीनै खेलमा उनी अलराउन्ड प्रदर्शन गर्दै म्यान अफ दि म्याच चुनिएका थिए ।

भारतीय यी खेलाडीले काठमाडौंबाट सर्वाधिक ६ विकेट लिएका थिए । यस बाहेक १५३ रन पनि बनाएका थिए ।

खेल नै नखेली महेन्द्रनगर कसरी पुग्यो फाइनल :

प्रकाशित : फाल्गुन १०, २०७५ १२:४५
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

नेकपाको एकता कार्यदल भंग, सचिवालयले नै सांगठनिक एकता प्रस्तावको खाका कोर्ने

कान्तिपुर संवाददाता

काठमाडौँ — नेपाल कम्यनिस्ट पार्टी (नेकपा)ले सांगठनिक एकता टुंगो लगाउने गठन भएको एकता कार्यदललाई भंग गरेको छ । प्रधानमन्त्री निवास बालुवाटारमा शुक्रबार बसेको सचिवालय बैठकले कार्यदलको म्याद थप नगर्ने निर्णय गरेको हो ।

तस्बिरः याम पाण्डेको फेसबुकबाट साभार ।

बिहीबारदेखि सुरु भएको छलफलमा कार्यदलको संयोजक रहेका गृहमन्त्री रामबहादुर थापाले एक साता समय थप गर्न माग गरेका थिए । थापाको मागमा कार्यदलका अन्य सदस्यहरु पनि सहमत थिए । तर, पार्टी अध्यक्ष तथा प्रधानमन्त्री केपी शर्मा ओलीले भने हिजो नै कार्यदल भंग गर्ने मनसाय व्यक्त गरेका थिए ।

अन्तिम प्रतिवेदन नबुझाउँदै एकता कार्यदल भ‌ंग भएपछि अब शीर्ष नेताहरु रहेको सचिवालयले नै सांगठनिक एकताको प्रस्ताव तयार पारेर स्थायी कमिटीमा पेश गर्ने भएको छ ।

शुक्रबारको सचिवालय बैठकमा पनि प्रधानमन्त्री ओलीकै प्रस्तावअनुसार निर्णय भएको हो ।

'अब एकता प्रस्ताव सचिवालयले तयार गर्ने र स्थायी समितिमा पेश गर्ने निर्णय भएको छ,' बैठकपछि प्रवक्ता नारायणकाजी श्रेष्ठले भने ।

गृहमन्त्री थापा संयोजक रहेको कार्यदलमा महासचिव विष्णु पौडेल, स्थायी समिति सदस्यहरू शंकर पोखरेल, सुरेन्द्र पाण्डे, वर्षमान पुन, लेखराज भट्ट, योगेश भट्टराई, बेदुराम भुसाल, रघुवीर महासेठ सदस्य थिए ।

गत जेठ ३ गते तत्कालीन नेकपा (एमाले) र नेकपा (माओवादी केन्द्र) बीच पार्टी एकता भई नेकपा गठन भएपछि सचिवालय, स्थायी समिति, केन्द्रीय समिति र प्रदेश समिति गठन भए पनि जिल्ला तथा जनवर्गीय सङ्गठनको एकता हुनसकेको छैन । स्थायी समितिले कार्यदल नै गठन गरेर साङ्गठनिक एकता टुङ्गो लगाउने बताए पनि कार्यदलमा सबै विषयमा सहमति हुन नसक्दा एकता प्रक्रिया लम्बिँदै गइरहेको छ ।

प्रकाशित : फाल्गुन १०, २०७५ १२:४०
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×