लुम्बिनी प्रादेशिक अस्पतालमा शनिबारदेखि अनलाइन टिकटिङ
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
तिलोत्तमा — बुटवलस्थित लुम्बिनी प्रादेशिक अस्पतालमा ओपीडी सेवाका लागि शनिबारदेखि अनलाइन टिकटिङ सेवा सञ्चालनमा आउने भएको छ । अब घरमै बसेर अनलाइन माध्यमबाट सेवाग्राहीले टिकट काट्न सक्ने छन् ।
![](https://assets-cdn.ekantipur.com/uploads/source/ads/900x100-0762024075620.gif)
![लुम्बिनी प्रादेशिक अस्पतालमा शनिबारदेखि अनलाइन टिकटिङ](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/health/lumbini-1462024015556-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
यो सुविधा प्रयोग गर्न सेवाग्राहीले अस्पतालको मोबाइल एप तथा इन्टरनेट ब्राउजरमा गई अस्पतालको वेबसाइटबाट अनलाइन टिकट काट्न सक्नेछन् ।
उपचारका लागि आफूले भेट्नुपर्ने ओपीडी शाखा छनोट गरी चाहेको मितिका लागि निःशुल्क टिकट काट्न सक्ने व्यवस्था गरिएको अस्पतालका मेडिकल सुपरिटेण्डेन्ट डा ईन्द्र ढकालले जनाए । 'यो सेवालाई केही समय परीक्षणकालका रुपमा प्रयोग गर्नेछौं,' उनले भने, 'सफल भएमा नियमित रुपमा यसमै अघि बढ्नेछौं ।'
अस्पतालमा टिकटकै लागि सेवाग्राहीले घण्टौंसम्म लाइनमा बस्नु पर्ने बाध्यतालाई अन्त्य गर्न र सेवालाई थप गुणस्तर बनाउन अनलाइन सेवामा जान लागिएको उनले बताए ।
अस्पतालको स्वास्थ्य सेवालाई थप गुणस्तर र समयसांपेक्ष प्रविधिको प्रयोग गरी सहज पहुँचमा ल्याउनका लागि थप सुविधा विस्तार गर्दै जानेसमेत उनले बताए । अस्पतालले सुरु गर्न लागेको अनलाइन टिकट सेवामा बीमा सेवा लिने भने तत्काल व्यवस्था रहेको छैन । उनीहरुलाई पनि विस्तारै समेट्ने गरी योजनामा रहेको ढकालले जानकारी दिए । अस्पतालमा दैनिक २ हजारदेखि २ हजार ५ सय जनासम्म बिरामी सेवाका लागि आउने गर्छन् ।
प्रकाशित : जेष्ठ ३२, २०८१ १७:४१