पाल्पामा उपचाररत गुल्मीका संक्रमितको मृत्यु
पाल्पा — पाल्पामा उपचाररत गुल्मीका एक कोरोना संक्रमितको मंगलबार मृत्यु भएको छ । स्वास्थ्य कार्यालय पाल्पाका अनुसार गुल्मीको रेसुंगा नगरपालिका–१ का ३६ वर्षीय पुरुषको मृत्यु भएको हो ।
लुम्बिनी मेडिकल कलेज भर्ना भएका उनको उपचारकै क्रममा मृत्यु भएको स्वास्थ्य कार्यालयका सूचना अधिकारी ओमप्रकाश पन्थीले जानकारी दिए ।
मंसिर २५ गते लुम्बिनी मेडिकल कलेज भर्ना भएका उनमा २६ गते कोरोना पुष्टि भएको थियो । श्वासप्रश्वासमा समस्या भएपछि उनलाई अस्पताल ल्याइएको परिवारले जनाएको छ ।
प्रकाशित : पुस १, २०७७ ०९:०३प्रतिक्रिया
