बर्दियाका दुई स्थानमा बीओपी स्थापना- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

बर्दियाका दुई स्थानमा बीओपी स्थापना

रासस

बर्दिया — जिल्लाका दुई स्थानमा सशस्त्र प्रहरीको बोर्डर आउट पोष्ट (बीओपी) स्थापना गरिएको छ । राजापुर नगरपालिका–७ को शंकरपुर तथा वडा नम्बर १० को झप्टीमा बीओपी स्थापना गरिएको हो ।

शङ्करपुरस्थित बीओपी भवनको राजापुर नगरपालिकाका प्रमुख शिवप्रसाद चौधरीले तथा झप्टीस्थित भवनको गेरुवा गाउँपालिकाका अध्यक्ष जमानसिंह केसीले शिलान्यास गरे । शिलान्यास कार्यक्रममा सशस्त्र प्रहरी बलका प्रहरी उपरीक्षक नरबहादुर रावत, इलाका प्रहरी कार्यालय राजापुरका प्रहरी उपरीक्षक मीनबहादुर घले, सशस्त्र प्रहरी बल राजापुरका प्रहरी निरीक्षक खेमराज बोगटीलगायतको उपस्थिति थियो ।

प्रकाशित : कार्तिक ८, २०७७ ०८:४९
प्रतिक्रिया
पठाउनुहोस्

होम आइसोलेसनमा बसेका काेराेना संक्रमित कर्मचारीको मृत्यु

दुर्गालाल केसी

दाङ — होम आइसोलेसनमा बसेका दाङका एक संक्रमितको मृत्यु भएको छ । तुलसीपुर उपमहानगरपालिका–१८ घर भइ हाल घोराही–१५ स्थित आफ्नै घरमा बसेका संक्रमित ५३ वर्षीय पुरुषको शुक्रबार मृत्यु भएको कोरोना विशेष अस्पताल बेलझुण्डीले जानकारी दिएको छ ।

मालपोत कार्यालय घोराहीका कर्मचारी ती पुरुषमा गएको कात्तिक ४ गते कोरोना संक्रमण पुष्टि भएको थियो । कोरोना संक्रमण पुष्टि भएदेखि उनी होम आइसोलेसनमा बस्दै आएका थिए । एक्कासि श्वासप्रश्वासमा समस्या आएपछि उनलाई कोरोना विशेष अस्पताल बेलझुण्डी ल्याइएको थियो ।

तर त्यहाँ पनि उपचार सम्भव नहुने भएपछि थप उपचारका लागि नेपालगन्ज लैजाँदै गर्दा बाटोमै मृत्यु भएको अस्पतालले जनाएको छ । यसैबीच नेपाली सेनाको टोलीले तुलसीपुर–१८ स्थित कात्तिके रानी सामुदायिक वनको हाता भित्र शुक्रबारै उनकाे शवलाई व्यवस्थापन गरेको छ । यसअघि पनि बेलझुण्डी अस्पतालमा रुपन्देहीका एक संक्रमितको मृत्यु भएको थियो । उक्त शवलाई पनि सेनाले व्यवस्थापन गरेको थियो ।

प्रकाशित : कार्तिक ८, २०७७ ०८:०२
पूरा पढ्नुहोस्
प्रतिक्रिया
पठाउनुहोस्
×