बुटवलको कोरोना अस्पतालमा एक संक्रमितको मृत्यु
तिलोत्तमा — रुपन्देहीको बुटवलस्थित कोरोना विशेष अस्पतालमा एक पुरुषको मृत्यु भएको छ । बुटवल ८ का ४९ वर्षीय पुरुषको उपचारका क्रममा शनिबार साँझ मृत्यु भएको अस्पतालका सूचना अधिकारी डा विष्णु गौतमले बताए ।
असोज २७ गते कोरोना पोजिटिभ नतिजा आएपछि होम आइसोलेसनमा बसेका ती पुरुष शनिबार नै अस्पताल भर्ना भएका थिए । यससँगै अस्पतालमा मृत्यु हुनेको संख्या ३३ पुगेको छ ।
बुटवलस्थित कोरोना विशेष अस्पतालको सबै बेड भरिएका छन् । गम्भीर प्रकृतिका कोरोना संक्रमित आए उपचार गर्ने स्थान नभएको अस्पतालले जनाएको छ ।
प्रकाशित : कार्तिक १, २०७७ २१:०७प्रतिक्रिया
