प्यूठानमा एकैदिन ५२ जना संक्रमित - लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

प्यूठानमा एकैदिन ५२ जना संक्रमित 

गिरुप्रसाद भण्डारी

प्यूठान — प्यूठानमा एकैदिन ५२ जना कोरोना संक्रमित थपिएका छन् । प्रादेशिक जनस्वास्थ्य प्रयोगशाला भैरहवामा गरिएको पीसीआर परीक्षणमा ९ महिला र ४३ पुरुषमा कोरोना देखिएको जिल्ला स्वास्थ्य कार्यलय प्यूठानका प्रमुख विशाल सुवेदीले जानकारी दिए । 

स्वास्थ्य कार्यालयका अनुसार बिहीबार सरुमारानीका २२, ऐरावतीका १४, झिमरुकका ११ र नौबहिनीका ५ जना कोरोना संक्रमित पुष्टि भएका छन् । योसँगै जिल्लामा कोरोना संक्रमितको संख्या ६ सय ८९ पुगेको छ । हाल जिल्लाभर सक्रिय संक्रमित १ सय ३१ जना छन् । अरु निको भएर घर गएका छन् । २ जना सक्रमितको मृत्यु भएको छ ।

प्रकाशित : आश्विन २९, २०७७ २१:११
प्रतिक्रिया
पठाउनुहोस्

रोजगार गुमेकालाई सडक मर्मतको काम

गिरुप्रसाद भण्डारी

प्यूठान — कोरोना भाइरसका कारण रोजगार गुमाएकाहरुलाई प्यूठान नगरपालिकाले रोजगार दिएको छ ।

नगरपालिकाले १० वटै वडामा स्थानीयलाई सडक मर्मत गर्ने काम लगाएर रोजगारी दिएको मेयर अर्जुनकुमार कक्षपतिले बताए ।

पालिकाभर झन्डै ६० लाख रुपैयाँ बराबरको काम स्थानीयलाई दिन थालिएको कक्षपतिले बताए । स्थानीयलाई गाउँमै रोजगारी दिने उद्देश्यले यसपालि कडा चट्टान, ढुंगा खसेको स्थान बाहेका सबै स्थानका सडकहरु मान्छेले सोर्ने, मर्मत गर्नेगरी प्राविधिक स्टिमेट गराएर उपभोक्ता समिति मार्फत काम अगाडि बढाइएको कक्षपतिले बताए । अघिल्ला वर्षहरुमा बर्खामा बिग्रेका सडक डोजर, स्काभेटर, जेसीबी मार्फत सोर्न गरिन्थ्यो ।

मेयर कक्षपति समेत स्थानीयसँगै फरुवा, कोदाली बोकेर काममा खट्ने गरेका छन् । ‘सडक मर्मतको काम नसकिदासम्म हरेक दिन काम गर्ने योजना बनाएको छु,’ कक्षपतिले भने,‘यसले जनतासँग आत्मियता, बढ्दै गएको छ ।’

वडाको सारीबाङ–पातिहाल्ना सडक,खरीबोट–छेपाने सडक, खरीबोट–पातिहाल्ना लगायत सडकमा ३ सय २ जना ज्यामी खटेको प्यूठान नगरपालिका १० का वडाध्यक्ष पदम गिरीले बताए । गिरीले आफ्नो वडामा सडक मर्मतको लागि ८ लाख ७६ हजार रुपैयाँ खर्च गर्न लागेको बताए ।

प्रकाशित : आश्विन २२, २०७७ २०:२२
पूरा पढ्नुहोस्
प्रतिक्रिया
पठाउनुहोस्
×