अवैध रुपमा नदीजन्य पदार्थ उत्खननमा प्रयोग भएका ट्याक्टर नियन्त्रणमा
नवलपुर — नदीजन्य पदार्थको अवैध उत्खनन गरेको भन्दै इलाका प्रहरी कार्यालय दुम्किबासले सोमबार ९ ओटा ट्याक्टर नियन्त्रणमा लिएको छ ।
विनयी-त्रिवेणी गाउँपालिकाको विनयी खोलामा अवैधरुपमा उत्खनन गरिरहेका ट्याक्टर नियन्त्रणमा लिएको जिल्ला प्रहरी कार्यालय पूर्वी नवलपरासीका डीएसपी मोहन बहादुर खाडंले बताए ।
लु ३ त ७०४५, लु ४ त २८८१, लु ३ त ४०८१, लु ३ त १७७२, ना ४ त ९०७०, लु ३ त६९५३, लु ३ त ४७७५, ना ७ त ११३१ र लु२ त ९६०७ नम्बरका ट्याक्टर नियन्त्रणमा लिएर गाउँपालिकालाई बुझाइएको प्रहरीले जनाएको छ । यसअघि पनि दुम्किबास प्रहरीले अवैधरुपमा नदीजन्य पदार्थको उत्खनन गरेर ओसारपसार गर्ने सवारीलाई नियन्त्रणमा लिएर स्थानीय तहलाई बुझाएको थियो ।
ट्याक्टर व्यवसायीले भने खोलानालामा नदीजन्य पदार्थको उत्खननका लागि ठेक्का लगाउनुपर्ने माग गर्दै सदरमुकाम कावासोतीमा केहीदिन अघि प्रर्दशन गरेका थिए ।
खोलानालामा ठेक्का नलाग्दा आफूहरुको व्यवसाय ठप्प भएको भन्दै तत्काल निकासी खुलाउनुपर्ने माग गर्दै आएका छन् । दुम्किबास बाहेक जिल्लाका अन्य स्थानमा पनि अवैधरुपमा नदीजन्य पदार्थको दोहन भइरहेको छ ।
प्रकाशित : आश्विन २६, २०७७ १९:४९