बाँकेमा पौडी खेल्दा डुबेर दुई जनाको मृत्यु
नेपालगन्ज — बाँकेको राप्तीसोनारी गाउँपालिका–६, फत्तेपुरको झरना नजिक तालमा पौडी खेल्ने क्रममा बिहीबार डुबेर दुई किशोरको मृत्यु भएको छ ।
नेपालगन्ज उपमहानगरपालिका–९, बाकेगाउँका १६ वर्षीय शिव शंकर शुक्ला र १५ वर्षीय विनोद बर्माको डुबेर मृत्यु भएको जिल्ला प्रहरी कार्यालय, बाकेका डीएसपी सुवास खड्काले बताए । अर्का एक जनाको अवस्था समान्य रहेको प्रहरीले जनाएको छ ।
जिल्ला प्रहरी कार्यालय, बाँकेका डीएसपी खड्का अनुसार उनीहरु ३ जना नेपालगन्जबाट झरना हेर्न फत्तेपुर पुगेका थिए । झरना हेरिसकेपछि नजिकै रहेको तालमा पौडी खेलेका थिए । त्यसक्रममा डुबेका दुई जनाको उद्धार गरी नेपालगन्ज ल्याउने क्रममा मृत्यु भएको थियो ।
प्रकाशित : आश्विन १६, २०७७ १८:००प्रतिक्रिया