प्रदेश ५ मा थपिए १ सय संक्रमित
बुटवल — रुपन्देहीमा ५९ सहित प्रदेश ५ मा शनिबार एकसय जनामा कोरोना संक्रमण पुष्टि भएको छ ।
प्रदेशको सामाजिक विकास मन्त्रालयका अनुसार दाङमा २८, बाँकेमा २५, बर्दियामा ७, प्युठान ५, कपिलवस्तुमा ४, पाल्पा र गुल्मीमा एक/एक जनामा कोरोना पुष्टि भएको हो ।
यससँगै प्रदेशमा कोरोना संक्रमण हुनेको संख्या ८ हजार ९ सय ८९ पुगेको छ ।
संक्रमित मध्ये २ हजार ३ सय ५१ जना उपचारका क्रममा छन् । तीमध्ये ६ सय ३६ जना होम आइसोलेसनमा छन् । कोरोनाका कारण अहिलेसम्म प्रदेश ५ मा ५५ जनाको मृत्यु भइसकेको छ । प्रदेशमा ६ हजार ४ सय ८३ जना संक्रमित निको भएका छन् ।
प्रकाशित : आश्विन ३, २०७७ १८:३०प्रतिक्रिया